వ‌ర‌ద‌ల్ని క‌వ‌ర్ చేయ‌డానికి పీక‌ల్లోతు దిగిన జ‌ర్న‌లిస్ట్.. త‌ర్వాత‌..?! (వీడియో)

దిశ‌, వెబ్‌డెస్క్ః క్షేత్ర స్థాయిలో లైవ్ క‌వ‌రేజ్ చేయ‌డం అంత సుల‌భ‌మైన విష‌యం కాదు. అందులోనూ ప్ర‌కృతి విప‌త్తులు సంభ‌వించిన‌ప్పుడు ఇది మ‌రింత క‌ష్టంగా, ప్ర‌మాద‌క‌రంగా ఉంటుంది. ఎన్నో సవాళ్లు, ఇబ్బందులు ఎదుర్కోవాల్సి ఉంటుంది. అయితే, కొంద‌రు రిపోర్టర్లు కొన్నిసార్లు అక్క‌డి పరిస్థితిని స‌జీవంగా వివ‌రించ‌డానికి, ఖచ్చితమైన చిత్రాన్ని ఇవ్వడానికి ఎంత‌కైనా తెగిస్తారు. ఒక్కోసారి ఆ ప్ర‌య‌త్నం ప్రమాదంలో పడేస్తుంది కూడా. స‌రిగ్గా అలాంటి సంఘ‌ట‌నే ఇప్పుడు వైరల్‌గా మారింది.

గ‌త కొన్ని రోజులుగా పాకిస్థాన్‌లో వ‌ర‌ద బీభ‌త్సం కొన‌సాగుతోంది. ఇప్ప‌టికే ఎంతో ప్రాణ‌, ధ‌న న‌ష్టం వాటిల్లింది. ఈ క్ర‌మంలో దేశంలోని వరదల పరిస్థితి గురించి రిపోర్ట్ చేస్తున్న‌ పాకిస్తానీ న్యూస్ రిపోర్ట‌ర్‌లు మెడలోతు నీటిలో నిలబడి ప్ర‌జ‌ల‌కు స‌మాచారాన్ని అందిస్తున్న వీడియో నెట్టింట్లో చ‌క్క‌ర్లు కొడుతోంది. ఈ వీడియోలో రిపోర్ట‌ర్ శరీరం మొత్తం నీటిలో మునిగి ఉంది. అతని తల, మైక్ మాత్రమే వీడియోలో కనిపిస్తున్నాయి. అనురాగ్ అమితాబ్ అనే ట్విటర్ యూజర్ వీడియోను షేర్ చేశారు.