‘‘కృతజ్ఞతాభావంతో ఉప్పొంగిపోతున్నా’’ నారా లోకేష్‌, సాయి తేజ్ హార్ట్ టచింగ్ కన్వర్సేషన్

దిశ, వెబ్‌డెస్క్: ఆంధ్రప్రదేశ్ ఐటీ మినిస్టర్ నారా లోకేష్, టాలీవుడ్ సుప్రీమ్ స్టార్ సాయి దుర్గ తేజ్ (సాయి ధరమ్ తేజ్) మధ్య ఎక్స్ వేదికగా జరిగిన హార్ట్ టచింగ్ కన్వర్సేషన్ ఇప్పుడు వైరల్ అవుతోంది. ముందుగా వరదబాధితుల కోసం తాను అందించిన రూ.10 లక్షల చెక్కుకు సంబంధించి సాయి తేజ్ ఓ పోస్ట్ చేశాడు. ‘‘ఈ రోజు గౌరవనీయులైన ఏపీ మంత్రి నారా లోకేష్ అన్నని కలిశాను. వరద బాధితుల సహాయం కోసం సీఎం రిలీఫ్ ఫండ్‌‌కి నా వంతుగా రూ.10 లక్షల చెక్కును ఆయనకు అందజేశాను. మీ అభిమానానికి కృతజ్ఞతలు లోకేష్ అన్నా’’ అంటూ తన ఎక్స్ పోస్ట్‌లో రాసుకొచ్చిన సాయి తేజ్.. నారా లోకేష్‌ని ట్యాగ్ చేసి ఆయనకు చెక్కు అందించిన ఫోటోలు కూడా షేర్ చేశాడు.

కొద్ది సేపటికే దీనికి లోకేష్ రిప్లై ఇస్తూ.. ‘‘సీఎం రిలీఫ్ ఫండ్ కోసం మీరు చేసిన గొప్ప సహాయానికి మనస్ఫూర్తిగా ధన్యవాదాలు సాయి ధరమ్ తేజ్. మనందరం కలిసి వరదల్లో చిక్కుకుపోయిన మన తోడబుట్టిన వాళ్లకి సాధ్యమైనంత మద్దతిద్దాం. ధన్యవాదాలు’’ అని సాయి ధరమ్ తేజ్‌ని ట్యాగ్ చేస్తూ పోస్ట్ చేశాడు. దీనికి మళ్లీ సాయి ధరమ్ తేజ్ రిప్లై ఇస్తూ.. ‘‘కృతజ్ఞతాభావంతో ఉప్పొంగిపోతున్నాను అన్నా’’ అంటూ హార్ట్ టచింగ్ రిప్లై ఇచ్చాడు. ప్రస్తుతం ఈ కన్వర్సేషన్ సోషల్ మీడియాలో వైరల్ అవుతోంది.