శంఖం పూరించిన అఖండ.. టైటిల్ సాంగ్‌తో ఫ్యాన్స్‌కు పూనకాలు
దిశ, సినిమా: నట సింహం బాలకృష్ణ, మాస్ డైరెక్టర్ బోయపాటి శ్రీను అప్‌కమింగ్ మూవీ ‘అఖండ’. వీరిద్దరి హ్యాట్రిక్ కాంబినేషన్‌లో తెరకెక్కిన సినిమాలో ‘రైతు, అఘోరా’గా బాలయ్య రెండు డిఫరెంట్ షేడ్స్ ఉన్న క్యారెక్టర్స్‌లో నటిస్తుండటంతో భారీ హైప్ నెలకొంది. ప్రగ్యా జైస్వాల్ ఫిమేల్ లీడ్‌లో నటిస్తున్న చిత్రంలో శ్రీకాంత్ విలన్ రోల్ చేస్తున్నాడు. ఎస్‌ఎస్ థమన్ మ్యూజిక్ అందిస్తుండగా.. తాజాగా ‘అఖండ’ టైటిల్ సాంగ్ రిలీజ్ చేశారు మేకర్స్. ‘శివ శంభో..’ అంటూ మొదలైన పాటకు […]
దిశ, సినిమా: నట సింహం బాలకృష్ణ, మాస్ డైరెక్టర్ బోయపాటి శ్రీను అప్‌కమింగ్ మూవీ ‘అఖండ’. వీరిద్దరి హ్యాట్రిక్ కాంబినేషన్‌లో తెరకెక్కిన సినిమాలో ‘రైతు, అఘోరా’గా బాలయ్య రెండు డిఫరెంట్ షేడ్స్ ఉన్న క్యారెక్టర్స్‌లో నటిస్తుండటంతో భారీ హైప్ నెలకొంది. ప్రగ్యా జైస్వాల్ ఫిమేల్ లీడ్‌లో నటిస్తున్న చిత్రంలో శ్రీకాంత్ విలన్ రోల్ చేస్తున్నాడు. ఎస్‌ఎస్ థమన్ మ్యూజిక్ అందిస్తుండగా.. తాజాగా ‘అఖండ’ టైటిల్ సాంగ్ రిలీజ్ చేశారు మేకర్స్. ‘శివ శంభో..’ అంటూ మొదలైన పాటకు ‘కమ్ కమ్ కంగుమంది శంఖం.. కడగమంది పంకం.. చావుకైన జంకం. ధమ్ ధమ్ ధర్మభేరి శబ్ధం.. చెయ్యమంది యుద్ధం.. దేనికైన సిద్ధం’ అంటూ సాగే పవర్‌ఫుల్ లిరిక్స్ ఫ్యాన్స్‌కు పూనకాలు తెప్పిస్తున్నాయి. అనంత శ్రీరామ్ రాసిన ఈ పాటను శంకర్ మహదేవన్, సిద్ధార్థ్ మహదేవన్, శివం మహదేవన్ ఆలపించడం విశేషం. ద్వారకా క్రియేషన్స్ పతాకంపై మిర్యాల రవీందర్ రెడ్డి నిర్మించిన చిత్రం వచ్చే నెలలో రిలీజ్ కానుంది.