దిశ, వెబ్ డెస్క్ : దేశంలో కరోనా వ్యాక్సినేషన్ ప్రక్రియ కొనసాగుతోంది. అయితే కరోనా వైరస్ విజృంభణ నేపథ్యంలో.. వ్యాక్సినేషన్ ప్రక్రియను వేగవంతం చేసే దిశగా ఈరోజు నుంచి దేశవ్యాప్తంగా టీకా ఉత్సవ్ కార్యక్రమం ప్రారంభం కానుంది. దేశంలో ఈరోజు నుంచి నాలుగురోజులపాటు ఈ ఉత్సవం కొనసాగనుంది. దీనిలో భాగంగా అర్హులైన వారిలో ఎక్కువ మందికి టీకా అందిస్తారు.

కరోనా వ్యాప్తి నేపథ్యంలో ప్రధాని మోడీ.. ఈనెల 8వ తేదీన అన్ని రాష్ట్రాల సీఎంలతో వర్చువల్‌గా సమావేశమైన విషయం తెలిసిందే. ఈ సమావేశంలోనే ప్రధాని.. టీకా పంపిణీని వేగంగా అందించేందుకు ఈరోజు నుంచి 14వ తేదీ వరకు టీకా ఉత్సవ్ కార్యక్రమాన్ని చేపట్టాలని ఆదేశించారు. దీంతో అన్ని రాష్ట్రాలు నేటి నుంచి టీకా ఉత్సవ్ కార్యక్రమాన్ని చేపట్టనున్నాయి.