Tollywood లో ముగిసిన సమ్మె.. రేపటి నుంచి షూటింగ్స్

దిశ, వెబ్‌డెస్క్: Tollywood Film Shootings will start from 24 june| ఫిల్మ్ ఇండస్ట్రీలో సమ్మె ముగిసింది. రేపటి నుంచి టాలీవుడ్‌లో షూటింగ్‌లు యాథావిధిగా జరుగుతాయని ఫిల్మ్ ఫెడరేషన్ స్పష్టం చేసింది. షూటింగ్‌లకు హాజరయ్యే కార్మికులకు జీతాలు పెంచుతామని, విధివిధానాలపై చర్చలు జరుగుతున్నాయంది. పెంచిన జీతాలు రేపటి నుంచి అమలు చేస్తామని తెలిపింది. పెంచిన జీతాలు అమలు చేసే బాధ్యత ఫెడ రేషన్ తో పాటు ఫిలిం ఛాంబర్లదేనని పేర్కొంది. జీతాలు పెంచాలంటూ ఫెడరేషన్ ముట్టడికి సినీ కార్మికులు పిలుపునివ్వడంతో పాటు సమ్మెకు దిగారు. దీంతో టాలీవుడ్ లో గత రెండు రోజులుగా షూటింగ్స్ ముగిసిపోయాయి. ఇప్పుడు కార్మికులు సమ్మె విరమించడంతో రేపటి నుంచి షూటింగ్స్ తిరిగి ప్రారంభం కానున్నాయి.