Samantha: ‘కిస్సిక్’ సాంగ్‌లో శ్రీలీల డ్యాన్స్‌పై సమంత రియాక్షన్ ఇదే.. పోస్ట్ వైరల్

దిశ, సినిమా: ఐకాన్ స్టార్ అల్లు అర్జున్(Allu Arjun), సుకుమార్ కాంబోలో రాబోతున్న తాజా చిత్రం ‘పుష్ప-2’(Pushpa 2: The Rule). పుష్పకు సీక్వెల్‌గా రాబోతున్న ఈ సినిమాపై భారీ అంచనాలు నెలకొన్నాయి. అయితే ఈ సినిమా డిసెంబర్ 5న ప్రపంచ వ్యాప్తంగా విడుదల కాబోతుంది. ఇక పుష్ప-2 నుంచి వస్తున్న ప్రతి అప్డేట్ హైప్ పెంచుతున్నాయి తప్ప ప్రేక్షకులను నిరాశ పరచడం లేదు. ఇటీవల విడుదలైన ట్రైలర్(Trailer) యూట్యూబ్‌ను షేక్ చేసిన సంగతి తెలిసిందే.

ఇప్పుడు ఈ సినిమా నుంచి స్పెషల్ సాంగ్ ‘కిస్సిక్’(Kissik) లిరిక్స్‌ను మేకర్స్ లాంచ్ చేశారు. ఈ పాట మిలియన్ల వ్యూస్‌(Million views)తో దూసుకుపోతుంది. కేవలం 18 గంటల్లోపే అరుదైన రికార్డు సాధించింది. ఏకంగా 25 మిలియన్ల- వీక్షణలను పొందింది. 24 గంటల్లోపే అరుదైన రికార్డు సాధించిన పాటగా నిలిచింది. తాజాగా, టాలీవుడ్ స్టార్ హీరోయిన్ సమంత (Samantha) ఈ సాంగ్ వీడియోను షేర్ చేసింది.

‘‘నీ డ్యాన్స్‌తో చంపేసావు శ్రీలీల(Sreeleela). సైలెంట్‌గా ఉండండి. పుష్ప-2 కోసం వెయిట్ చేయండి’’ అనే క్యాప్షన్ జత చేసి ఫైర్ ఎమోజీలు పెట్టింది. కాగా, బ్లాక్ బస్టర్ హిట్‌గా నిలిచిన ‘పుష్ప’ సినిమాలోని ఐటమ్ సాంగ్‌లో సమంత ఊపేసిన సంగతి తెలిసిందే. తన డ్యాన్స్‌తో ప్రేక్షకులను మంత్రముగ్దులను చేసిందనడంలో అతిశయోక్తి లేదు. ఇక ఇప్పుడు శ్రీలీల అంతకు మించిన డ్యాన్స్‌తో ఇండస్ట్రీని షేక్ చేయనుంది.