తల్లిదండ్రులకు విషాదం మిగిల్చిన స్పోర్ట్స్ బైక్.. యువకుడు స్పాట్ డెడ్

దిశ, కూకట్‌పల్లి: మితిమీరిన వేగంతో దూసుకెళ్తూ బైకు అదుపుతప్పి డివైడర్‌ను ఢీకొట్టడంతో ఓ యువకుడు మృతి చెందిన ఘటన ఆదివారం అర్ధరాత్రి చోటుచేసుకుంది. పోలీసుల వివరాల ప్రకారం.. ఆల్విన్​కాలనీ ఫేజ్ 1లో నివాసం ఉంటున్న శివశంకర్​రెడ్డి కుమారుడు సాయి స్వరూప్ ​రెడ్డి (23) ఆదివారం రాత్రి 11: 30 గంటల ప్రాంతంలో లోధా బెల్లెంజా అపార్ట్​మెంట్​వద్ద మితిమీరిన వేగంతో తన కేటీఎం బైక్‌పై వెళ్తుండగా.. బైక్​అదుపు తప్పి డివైడర్‌ను ఢీకొట్టింది. ఈ ప్రమాదంలో సాయి స్వరూప్​రెడ్డికి తీవ్రగాయాలు కావడంతో అక్కడికక్కడే మృతి చెందినట్టు పోలీసులు తెలిపారు. మృతదేహాన్ని పోస్ట్​మార్టం నిమిత్తం గాంధీ ఆసుపత్రికి తరలించినట్టు సీఐ కిషన్​చెప్పారు.