షూలోకి దూరిన నాగు పాము వీడియో వైరల్..

దిశ, వెబ్‌డెస్క్: ప్రస్తుతం వర్షాకాలం మొదలయింది. దేశమంతటా ఎడతెరిపి లేని వానలతో వాతావరణం అంతా చాలా చల్లగా ఉంది. చల్లదనానికి పాములు ఎక్కువ బయటకు వస్తున్నాయి. దాంతో పాములను చూసి జనాలు భయపడిపోతున్నారు. తాజాగా, ఇటీవల ఒక పాము ఓ ఇంట్లో ఉన్న షూలో దూరింది. మహిళ షూ లోపల ఇనుప రాడ్ ఉంచగా.. పాము షూ నుంచి బయటకు వచ్చి మహిళపై దాడి చేయాలని ప్రయత్నించింది. ఆ మహిళ జాగ్రత్త వహించడంతో ఏ ప్రమాదం జరగలేదు.

దీనికి సంబంధించిన వీడియోను ఇండియన్ ఫారెస్ట్ సర్విస్ అధికారి సుశాంత్ తన ట్విట్టర్‌ ద్వారా పోస్ట్ చేశాడు.'' వర్షాకాలంలో పలు ప్రదేశాలలో పాములు కనిపిస్తున్నాయి. కాబట్టి ప్రజలు జాగ్రత్తగా ఉండాలని హెచ్చరించారు. జాగ్రత్త శిక్షణ పొందిన సిబ్బంది సహాయం తీసుకోండి'' అంటూ రాసుకొచ్చాడు. అది చూసిన నెటిజన్లు కొంతమంది భయంతో ఉన్న మీమ్స్ షేర్ చేస్తుంటే.. మరికొంత మంది మాత్రం సమాచారాన్ని పంచుకున్నందుకు IFS అధికారి సుశాంత్ నందకు కృతజ్ఞతలు తెలుపుతున్నారు.