‘ట్యాగ్ మి విత్ దిస్’ అంటూ కొత్త స్టార్ ట్యాగ్‌ను తగిలించుకున్న యంగ్ హీరో.. పోస్ట్ వైరల్

దిశ, సినిమా: యంగ్ హీరో నిఖిల్ గురించి స్పెషల్‌గా చెప్పనక్కర్లేదు. ప్రస్తుతం కంటెంట్ ఉన్న సినిమాలు చేస్తూ దూసుకుపోతున్నాడు. ఇక రీసెంట్‌గా వచ్చిన ‘కార్తికేయ 2’ సినిమాతో పాన్ ఇండియా స్టార్ డమ్ తెచ్చుకొని ఇప్పుడు వరుస సినిమాలు చేస్తూ మంచి ఫాలోయింగ్ పెంచుకుంటున్నాడు. ఇక త్వరలో ‘స్వయంభు’ మూవీతో మన ముందుకు రాబోతున్నాడు. అలాగే ‘అప్పుడో ఇప్పుడో ఎప్పుడో’ అనే సినిమాలో కూడా నటిస్తున్నాడు. అంతేకాకుండా నిత్యం సోషల్ మీడియాలోనూ యాక్టీవ్‌గా ఉంటూ అభిమానులకు దగ్గరవుతూ ఉంటాడు.

ఇదిలా ఉంటే.. సాధారణంగా చాలా మంది హీరో, హీరోయిన్స్‌కు పేరుకు ముందు స్టార్స్ తగిలిస్తారనే విషయం తెలిసిందే. ఇక ఇటీవల కొంత మంది యంగ్ హీరోలు కూడా ఆ స్టార్స్‌ను తగిలించుకుంటుంటే.. మరికొంత మంది మాత్రం ఉన్న ట్యాగ్స్‌ను మార్చుకుంటున్నారు. అలా ఇటీవల కాలంలో సుధీర్ బాబు ‘నవ దళపతి’ అని, శర్వానంద్ ‘చార్మింగ్ స్టార్’ అని, రాజ్ తరుణ్ ‘జోవియల్ స్టార్’ అని.. ఇలా చాలా మంది యువ హీరోలు కొత్త ట్యాగ్స్ తగిలించుకుంటున్నారు.

ఈ క్రమంలో హీరో నిఖిల్ పోస్ట్ నెట్టింట వైరల్ అవుతోంది. ‘UNIK’ అని టైప్ చేసి స్టార్ సింబల్ వేసి పోస్ట్ చేశాడు. ఆ తర్వాత ఇకపై నన్ను ‘యూనిక్ స్టార్’ అనే ట్యాగ్ చేయండి అంటూ పెట్టాడు. అలాగే తన ట్విట్టర్ బయోలో కూడా యూనిక్ స్టార్ అని అర్థం వచ్చేలా యాడ్ చేశాడు. దీంతో నిఖిల్ పోస్ట్ వైరల్‌గా మారింది. ఇక దీనిని చూసిన నెటిజన్లు.. నిఖిల్ యూనిక్ స్టార్ అనే కొత్త ట్యాగ్‌ను తనకు తానే ఇచ్చుకున్నాడా..? లేదా తన నెక్స్ట్ మూవీ గురించా అంటూ సందేహం వ్యక్తం చేస్తున్నారు. మరి దీనిపై క్లారిటీ రావాలంటే హీరో నిఖిల్ స్పందించే వరకు వెయిట్ చేయాల్సిందే.