Swiggy: ఫుడ్‌ డెలివరీ బాయ్స్‌కి స్విగ్గీ బంపర్‌ ఆఫర్..

Swiggy

దిశ, డైనమిక్ బ్యూరో: ఫుడ్ డెలివరీ ప్లాట్‌ఫారమ్ స్విగ్గీ(Swiggy) తన డెలివరీ ఎగ్జిక్యూటివ్‌ల కోసం అద్భుతమైన ప్రోగ్రామ్‌ను ప్రకటించింది. 'స్టెప్-ఎహెడ్' అనే పేరుతో డెలివరీ వర్కర్‌లకు మంచి అవకాశాన్ని అందించనుంది. ఫుడ్ డెలివరీ చేసే వర్కర్‌ల జీతాలు, పెట్రోల్ ఖర్చులు సరిగా లేకపోవడంపై వచ్చిన వార్తలకు సమాధానంగా ఈ కార్యక్రమాన్ని చేపట్టనుంది. స్విగ్గీ సంస్థలో దాదాపు 2.7 లక్షల మంది డెలివరీ బాయ్స్ వర్క్ చేస్తున్నారు. వీరందరికి ' స్టెప్-ఎహెడ్ ' ద్వారా రాబోయే రోజుల్లో డెలివరీ సిబ్బందిని ఫ్లీట్ మేనేజర్ నియామకాల్లో కనీసం 20% రిజర్వేషన్ కల్పించనుంది. దీనికోసం సంస్థతో ఉండే కాలపరిమితి వివరాలను మాత్రం పేర్కొనలేదు. తమ సంస్థ తెలిపిన సంతోషకరమైన వార్త విన్న కార్మికులు ఆనందం వ్యక్తం చేస్తున్నారు.