Squid Game2: ప్రాణాలు తీసే భయంకర ఆట మళ్లీ వచ్చేస్తోంది.. స్క్విడ్ గేమ్‌ సీజన్ 2 టీజర్ రిలీజ్

దిశ, వెబ్ డెస్క్ : వరల్డ్ వైడ్ గా రికార్డు క్రియోట్ చేసిన నెట్‌ఫ్లిక్స్ సిరీస్‌ ‘స్క్విడ్‌ గేమ్ సీజన్ 2’(Squid Game) త్వరలో మన ముందుకు మ‌ళ్లీ వ‌చ్చేస్తుంది. 2021లో సీజ‌న్ 1 విడుదలవ్వగా .. బ్లాక్ బ‌స్ట‌ర్ హిట్ అందుకుంది. విడుదలైన 28 రోజుల్లోనే ఈ సిరీస్‌ను 11 కోట్ల మంది చూశారు. సిరీస్‌లో వయొలెన్స్ విపరీతంగా ఉన్నా ప్రేక్షకులకు బాగానే ఆకట్టుకుంది. నెట్‌ఫ్లిక్స్‌లో భారీగా వీక్షించిన వెబ్‌సిరీస్‌గా ఈ సిరీస్ రికార్డ్ సృష్టించింది. ఈ సిరీస్‌కు ఏకంగా 1.65 బిలియ‌న్ల స్ట్రీమింగ్ వ్యూస్ రావడం మామూలు విషయం కాదు.

ఇప్పుడు, ఈ సిరీస్ మేకర్స్ స్క్విడ్ గేమ్ సీజ‌న్ 2 (Squid Game 2)ను మన ముందుకు అతి త్వరలో తీసుకురానున్నారు. డిసెంబ‌ర్ 26 నుంచి నెట్‌ఫ్లిక్స్ వేదిక‌గా స్ట్రీమింగ్ అవ్వనుందని మూవీ టీమ్ అధికారికంగా వెల్లడించింది. ఈ సంద‌ర్భంగా మేక‌ర్స్ టీజ‌ర్‌ను రిలీజ్ చేశారు. రిలీజ్ అయిన కొద్దీ నిముషాల్లోనే యూట్యూబ్ లో తెగ వైరల్ అయింది. ప్రస్తుతం, మిలియన్ వ్యూస్ తో దూసుకెళ్తుంది. ఈ సీజన్ని ఇష్టపడే వాళ్ళు త్వరగా రిలీజ్ చేస్తే బావుండు అని కామెంట్స్ చేస్తున్నారు. 

Full View