Pushpa-2 నుంచి సెన్సేషనల్ అప్డేట్.. ఫుల్ ఖుషీలో బన్సీ ఫ్యాన్స్

దిశ, సినిమా: ఐకాన్ స్టార్ అల్లు అర్జున్(Allu Arjun), బ్రిలియంట్‌ డైరెక్టర్ సుకుమార్ కాంబోలో రాబోతున్న మోస్ట్ వెయిటెడ్ మూవీ ‘పుష్ప-2’(Pushpa-2). ఈ సినిమా సూపర్ హిట్ ‘పుష్ప’కు సీక్వెల్‌గా తెరకెక్కుతుండటంతో ప్రేక్షకుల్లో భారీ అంచనాలు నెలకొన్నాయి. అయితే ఇందులో నేషనల్ క్రష్ రష్మికా మందన్న(Rashmika Mandanna) హీరోయిన్‌గా నటిస్తుండగా.. ఫహాద్‌ ఫాజిల్‌, రావు రమేష్‌, సునీల్‌, అనసూయ భరద్వాజ్‌(Anasuya Bharadwaj) కీలక పాత్రలో కనిపించనున్నారు. దీనిని మైత్రీ మూవీ మేకర్స్(Mythri Movie Makers) బ్యానర్‌పై నవీన్‌ ఎర్నేని, యలమంచిలి రవిశంకర్‌ అత్యంత ప్రతిష్టాత్మకంగా నిర్మిస్తున్నారు. ఇక స్పెషల్ సాంగ్‌లో డ్యాన్సింగ్ క్వీన్ శ్రీలీల(Sreeleela ), బన్నీ సరసన స్టెప్టులేయనుంది. ‘పుష్ప 2’ డిసెంబర్ 5న రిలీజ్ కానుంది.

ఈక్రమంలో.. మేకర్స్ ఈ చిత్రం ప్రమోషన్స్‌ను పాట్నా, కోల్‌కత్తా (Kolkata), చెన్నయ్‌, కొచ్చి, బెంగళూరు(Bengaluru), ముంబయ్‌ హైదరాబాద్‌లో ఈవెంట్స్‌ను నిర్వహించబోతున్నారు. ఇందులో భాగంగానే ‘పుష్ప-2 ది రూల్‌’ సినిమా ట్రైలర్ లాంచ్‌ను కూడా ఈ నెల 17న పాట్నాలో అత్యంత గ్రాండ్‌గా చేయనున్నారు.  దీనికి సంబంధించిన అనౌన్స్‌మెంట్‌ మాసివ్‌ పోస్టర్‌ను మేకర్స్‌ విడుదల చేశారు. ఈ పోస్టర్‌లో.. గన్‌ను భుజాన వేసుకుని మాసివ్‌, ఫైర్‌ లుక్‌తో.. తనదైన స్వాగ్‌తో ఐకాన్‌స్టార్‌ అల్లు అర్జున్‌ నడిచొస్తున్న స్టిల్‌ అదిరిపోయింది. ప్రజెంట్ పుష్ప-2 ట్రైలర్ అప్డేట్ సోషల్ మీడియాలో వైరల్ అవుతుండగా.. ఈ విషయం తెలుసుకున్న బన్నీ ఫ్యాన్స్ ఫుల్ ఖుషీ అవుతున్నారు.