Bachchala Malli: ‘బచ్చల మల్లి’ నుంచి సెకండ్ సింగిల్.. అదే నేను అసలు లేను అంటున్న అల్లరి నరేష్

దిశ, సినిమా: కామెడీ చిత్రాలతో ప్రేక్షకుల్లో తనకంటూ స్పెషల్ క్రేజ్ తెచ్చుకున్న అల్లరి నరేష్ (Allari Naresh) ఇప్పుడు రూట్ మార్చి యాక్షన్ చిత్రాలతో దూసుకుపోతున్నాడు. ఇప్పటికే ‘నాంది, ఉగ్రం’ వంటి చిత్రాలతో ఆకట్టుకున్న ఈ హీరో.. ఇప్పుడు ‘బచ్చల మల్లి’ (Bachchala Malli)తో ప్రేక్షకుల ముందుకు వచ్చేందుకు సిద్ధం అవుతున్నాడు. ఈ సినిమాకు సుబ్బు మంగాదేవి (Subbu Mangadevi) దర్శకత్వం వహిస్తుండగా.. హాస్యా మూవీస్ బ్యానర్‌పై రాజేశ్ దండా, బాలాజీ గుత్తా నిర్మిస్తున్నారు.

ఇప్పటికే షూటింగ్ పూర్తి చేసుకున్న ఈ సినిమా ప్రజెంట్ పోస్ట్ ప్రొడక్షన్ (Post Production) పనులు జరుపుకుంటోంది. ఇక డిసెంబర్ (December) 20న ప్రేక్షకుల ముందుకు వచ్చేందుకు సిద్ధంగా ఉన్నా ‘బచ్చల మల్లి’ చిత్రం నుంచి తాజాగా మరో అప్‌డేట్ ఇచ్చారు చిత్ర బృందం. ఇందులో భాగంగా.. ‘బచ్చల మల్లి రెండవ సింగిల్ ‘అదే నేను అసలు లేను’ (Ade Nenu Asalu Lenu) నవంబర్ 22న మధ్యాహ్నం 12:06 గంటలకు రాబోతున్నట్లు తెలిపారు. ఇందుకు సంబంధించిన ఓ పోస్టర్ రిలీజ్ చేయగా.. ప్రజెంట్ అది ప్రేక్షకులను ఆకట్టుకుంటోంది.