Breaking News : పాతబస్తీలో గంజాయి విక్రయిస్తున్న ఐదుగురి అరెస్ట్

దిశ, వెబ్ డెస్క్ : గంజాయి విక్రయిస్తున్న ఐదుగురు నిందితులను ఎక్సైజ్ ఎస్‌టిఎఫ్ సిబ్బంది గురువారం అరెస్టు చేశారు. వారి వద్ద నుంచి 1.1 కిలోల గంజాయి స్వాధీనం చేసుకున్నారు. మరో మహిళ పరారీలో ఉంది. ఎక్సైజ్ సిబ్బంది కథనం ప్రకారం.. అప్పర్ ధూల్‌పేటకు చెందిన రేఖాబాయ్ ఇంట్లో గంజాయి విక్రయిస్తున్నట్లు సమాచారం రావడంతో ఎక్సైజ్ ఎస్‌టిఎఫ్ సిబ్బంది దాడి చేశారు. విక్రయించేందుకు సిద్ధంగా ఉంచిన కేజీకి పైగా గంజాయిని పోలీసులు స్వాధీనం చేసుకున్నారు. ఈ ఘటనలో అయిదుగురిని అరెస్ట్ చేయగా.. మరో మహిళ పరారీలో ఉందని పోలీసులు తెలిపారు.