మా కుటుంబ చరిత్రలో పది పాసైన మొదటి వ్యక్తి నేనే.. రణ్‌బీర్ కపూర్
దిశ, సినిమా: బాలీవుడ్ హీరో రణ్‌బీర్ కపూర్, సంజయ్‌దత్ ప్రధాన పాత్రలో నటించిన చిత్రం ‘షంషేరా’. రణ్‌బీర్ ద్విపాత్రాభినయం చేసిన ఈ మూవీ జూలై 22న విడుదల కానుండగా ప్రమోషన్స్‌లో మూవీటీం బిజీగా ఉంది..Latest Telugu News
దిశ, సినిమా: బాలీవుడ్ హీరో రణ్‌బీర్ కపూర్, సంజయ్‌దత్ ప్రధాన పాత్రలో నటించిన చిత్రం 'షంషేరా'. రణ్‌బీర్ ద్విపాత్రాభినయం చేసిన ఈ మూవీ జూలై 22న విడుదల కానుండగా ప్రమోషన్స్‌లో మూవీటీం బిజీగా ఉంది. ఈ క్రమంలోనే తన ఫ్యామిలీ, ఎడ్యుకేషన్ గురించి పలు ఆసక్తికర విషయాలు పంచుకున్నాడు రణ్‌బీర్. చిన్నప్పటి నుంచి చదువులో చాలా వీక్ అని తెలిపిన హీరో.. పదో తరగతిలో 53.4 శాతం మార్కులు వచ్చినందుకే కుంటుంబ సభ్యులు పెద్ద ఎత్తున సంబరాలు చేసుకున్నట్లు తెలిపాడు.
ఎందుకంటే మొత్తం కుటుంబ చరిత్రలో పదో తరగతి పాసైన మొదటి వ్యక్తి తనేనని, అందుకే పట్టరాని ఆనందంతో పటాసులు పేల్చి, స్వీట్లు పంచారని గుర్తుచేసుకున్నాడు. ఇక సినిమాపై ఆసక్తితో ఉన్నత చదువులపై దృష్టి పెట్టలేదన్న హీరో.. బాలీవుడ్‌లోకి అడుగుపెట్టడానికి ముందు విదేశాల్లో నటన, చిత్రనిర్మాణంపై ట్రైనింగ్ తీసుకున్నట్లు వెల్లడించాడు.