Rahasyam Idam Jagath థియేట్రికల్‌ ఎక్స్‌ పీరియన్స్‌ ఇస్తుంది: స్రవంతి పత్తిపాటి

దిశ, సినిమా: రాకేష్‌ గలేబి, స్రవంతి పత్తిపాటి(Sravanti Pattipati), మానస వీణ, భార్గవ్‌ గోపీనాథం ప్రధాన పాత్రల్లో నటిస్తున్న తాజా చిత్రం ‘రహస్యం ఇదం జగత్‌’(Rahasyam Idam Jagath). అయితే ఈ సినిమాను సింగిల్‌ సెల్‌ యూనివర్శ్‌ ప్రొడక్షన్‌ పతాకంపై కోమల్‌ ఆర్‌ భరద్వాజ్‌(Bhardwaj) దర్శకత్వంలో పద్మ రావినూతుల, హిరణ్య రావినూతుల నిర్మిస్తున్నారు. మన పురాణాలు, ఇతిహాసాలపై ఓ కొత్త అనుభూతిని కలిగించడానికి నవంబరు 8న చిత్రం ప్రేక్షకుల ముందుకు రానుంది. ఈ క్రమంలో.. తాజాగా, ప్రమోషన్స్‌లో భాగంగా హీరోయిన్ స్రవంతి ప్రత్తిపాటి మాట్లాడుతూ ‘‘నాకు ఈ సినిమాలో అవకాశం వచ్చినప్పుడు యూఎస్‌లో తీస్తున్న ఓ తెలుగు మూవీలో అవకాశం రావడం ఎంతో సర్‌ప్రైజ్‌గా ఫీలయ్యాను. ఈ చిత్రంలో నా పాత్ర పేరు అకిరా. తప్పకుండా నా పాత్ర అందరికి నచ్చతుందనే నమ్మకం ఉంది. ప్రముఖ రచయిత విజయేంద్ర పసాద్‌(Vijayendra Pasad) నాకు తాత వరుస అవుతాడు. ఆయన సలహాలు సూచనలు నా కెరీర్‌ కోసం తీసుకున్నాను. ఈ చిత్ర కాన్సెప్ట్‌తో పాటు ట్రైలర్‌ కూడా నచ్చింది. ఈ సినిమా కోసం దర్శకుడు కోమల్‌ ఎంతో కష్టపడ్డాడు. అమెరికా(America)లోని అడవుల్లో రిస్కీ ప్రదేశాల్లో షూట్ చేశాం. ప్రేక్షకులకు ఓ సరికొత్త థియేట్రికల్‌ ఎక్స్‌పీరియన్స్‌ ఇస్తుందని నమ్ముతున్నాను.