నిన్ను చూసి గర్వపడుతున్నా.. లక్ష్యసేన్ విజయం పై ప్రధాని మోడీ ట్వీట్

న్యూఢిల్లీ : భారత బ్యాడ్మింటన్ యువ సంచలనం ఆల్ ఇంగ్లాండ్ ఓపెన్ రన్నరప్‌గా నిలిచి సిల్వర్ మెడల్ కైవసం చేసుకున్న విషయం తెలిసిందే. తాజాగా లక్ష్యసేన్ సాధించిన ఘనత పై ప్రధాని మోడీ ట్విట్టర్ వేదికగా స్పందించారు. 'మిమ్మల్ని చూసి చాలా గర్వపడుతున్నా లక్ష్యా..! మీరు అద్భుతమైన పట్టుదల, నైపుణ్యం ప్రదర్శించారు. ప్రత్యర్థిని ఓడించేందుకు ఉత్సాహంగా పోరాడారు. మీరు విజయాల కొత్త శిఖరాలను అధిరోహిస్తారని నాకు నమ్మకం ఉంది.

' అని పేర్కొన్నారు. కాగా, ఆల్ ఇంగ్లాండ్ ఓపెన్‌లో భారత స్టార్ ఆటగాళ్లు పీవీ సింధు, సైనా నెహ్వాల్, కిదాంబి శ్రీకాంత్ సెకండ్ రౌండ్‌లోనే నిష్ర్కమించినా 21ఏళ్ల యువ సంచలనం లక్ష్యసేన్ సత్తాచాటాడు. ఈ టోర్నీలో వరల్డ్ నం-3 అండర్స్ అంటోన్సెన్, సెమీస్ లో వరల్డ్ నం-6 లీజీ జియాను ఓడించి ఫైనల్ చేరుకున్న లక్ష్యసేన్ వరల్డ్ నం-1 డెన్మార్క్ ప్లేయర్ విక్టర్ ఎక్సెలెన్స్ చేతిలో ఓటమి పాలై రన్నరప్‌గా నిలిచాడు.