'వశీకరణ పూజ' చేసిన నటి.. ఆ నిర్మాత కోసమేనంటూ

దిశ, సినిమా: కంగనా హోస్ట్‌గా వ్యవహరిస్తున్న 'లాక్ అప్' రియాలిటీ షోలో ఖైదీగా ఉన్న 'పాయల్ రోహత్‌గీ'.. లేటెస్ట్ ఎపిసోడ్‌లో తన లైఫ్ సీక్రెట్స్ బయటపెట్టింది. ప్రజలను ప్రభావితం చేసే ఆచారంలో భాగంగా 'వశీకరణ పూజ' చేసినట్లు వెల్లడించింది. ఈ విషయాన్ని తల్లితో సహా ఇంట్లో ఎవరికీ చెప్పలేదన్న పాయల్.. ఆ పూజ తన సినీ కెరీర్‌‌ సక్సెస్‌కు ఏ మాత్రం ఉపయోగపడలేదని తెలిపింది. 15 ఏళ్లుగా ఇండస్ట్రీలోనే ఉన్నప్పటికీ పెద్దగా గుర్తింపు, సంపాదన లేకపోవడంతో నిరాశ చెందానని, ఒకే ఒక్క సక్సెస్ దక్కించుకోవాలన్న తపనతో తాంత్రిక పూజ(బ్లాక్ మ్యాజిక్) చేసినట్లు చెప్పింది. ప్రత్యేకించి ఒక నిర్మాతతో పనిచేయడం కోసమే ఇదంతా చేసినట్లు పేర్కొంది. దీంతో తాను మాయలు, మంత్రాలు చేస్తున్నట్లు కొంతకాలం తర్వాత ఇండస్ట్రీలో గుసగుసలు వినిపించాయని చెప్పుకొచ్చింది. అయితే ఎడ్యుకేటెడ్ ఉమెన్, ప్రొఫెషనల్స్ ఎవరూ ఇలాంటి పూజ చేయరని చివరకు గ్రహించినట్లు చెప్పింది.