అభిమానులకు క్షమాపణలు చెప్పిన నిఖిల్..

దిశ, సినిమా : నిఖిల్, అనుపమ పరమేశ్వరన్ జంటగా నటించిన 'కార్తికేయ2' విడుదల తేదీ వాయిదా పడినట్లుగా కొన్ని రోజుల నుంచి వార్తలు వినిపిస్తున్నాయి. ఇప్పుడు ఆ వార్తలను నిజం చేశాడు హీరో నిఖిల్. విషయానికొస్తే.. ఓవర్సీస్‌కు సంబంధించి లీషెస్టర్‌లో 'కార్తికేయ 2' ప్రీమియర్ షో టికెట్స్ ఓపెన్ చేసిన 25 నిమిషాల్లో అమ్ముడయ్యాయి' అంటూ ఓ నెటిజన్ ట్వీట్ చేశారు.

దీంతో వెంటనే స్పందించిన హీరో నిఖిల్.. ఈ సినిమా జులై 22న విడుదలవడం లేదని, ఆగస్టు మొదటి వారంలో ప్రేక్షకుల ముందుకు రావచ్చని తెలిపాడు. అంతేకాదు ప్రీమియర్ షోకు టికెట్స్ బుక్ చేసుకున్న అమేజింగ్ పీపుల్‌కు ట్విట్టర్ వేదికగా క్షమాపణలు చెప్పిన అఖిల్.. టికెట్ మనీ రిఫండ్ చేస్తామని ప్రకటించాడు. మొత్తం మీద ఈ సినిమా జులై 22న రిలీజ్ చేయడం లేదని కన్‌ఫర్మ్ చేశాడు.