హీరో నమ్మకపోయినా ప్రేక్షకులు ఆదరించారు.. నేహా శెట్టి

దిశ, సినిమా: సిద్ధు జొన్నలగడ్డ- నేహశెట్టి జంటగ వచ్చిన యూత్‌ఫుల్ ఎంటర్‌టైనర్ 'డీజే టిల్లు'. తెలంగాణ యాస, కామెడీ, సస్పెన్స్‌ థ్రిల్లర్‌గా తెరకెక్కిన ఈ సినిమా బాక్సాఫీస్‌ వద్ద మంచి వసూళ్లు రాబట్టగా.. హీరోయిన్ నేహా శెట్టి తన అందం, అభినయంతో కుర్రకారును మెస్మరైజ్‌ చేసింది. మెహబూబా సినిమాతో తెలుగు తెరకు ఎంట్రీ ఇచ్చిన ఈ చిన్నది డీజే టిల్లుతోనే ఎక్కువ పాపులారిటీ సంపాదించుకుందని చెప్పడంలో ఎలాంటి సందేహం లేదు. కాగా ఈ సినిమాలో రాధికా పాత్రలో నటించి మెప్పించిన ఆమె అమాయకురాలిగా కనిపిస్తూనే, మోసం చేసే పాత్రలో ఒదిగిపోయింది. ఈ క్రమంలోనే తన నటనకు ప్రశంసలు దక్కడంపై తాజాగా స్పందించిన నేహా శెట్టి.. 'రాధికను టిల్లు నమ్మకపోయినా, మీరు మాత్రం నమ్మారు. మీరు రాధికను అంగీకరించారు. రాధిక మిమ్మల్ని ఎంతగానో ప్రేమిస్తుంది. డీజే టిల్లును ఇంత పెద్ద హిట్‌ చేసినందుకు ధన్యవాదాలు. మీ ప్రేమ, మద్ధతు లేనిదే ఈ ఇంతటి విజయం సాధ్యమయ్యేది కాదు. ఈ జర్నీని ఇంతే మెమొరబుల్‌గా కొనసాగించేందుకు నా వంతు కృషి చేస్తాను' అంటూ ప్రేక్షకులకు థ్యాంక్స్ చెప్పింది.

సమంత ఘాటు రిప్లై.. మీ పని మీరు చూసుకోండి అంటూ.