Matka Twitter Review: మెగా ప్రిన్స్ వరుణ్ తేజ్ ‘మట్కా’ ట్విట్టర్ రివ్యూ.. హిట్టా.. ఫట్టా?

దిశ, సినిమా: మెగా ప్రిన్స్ వరుణ్ తేజ్(Varun Tej) 2019లో నటించిన ‘గద్దల కొండ గణేష్’ మూవీతో బ్లాక్ బస్టర్ హిట్ అందుకున్న సంగతి తెలిసిందే. ఇక ఆ తర్వాత నటించిన చిత్రాలన్నీ హిట్ అందుకోలేకపోయాయి. దీంతో గత కొద్ది కాలంగా వరుణ్ తేజ్ హిట్ కోసం తాపత్రయ పడుతూ డిఫరెంట్ స్టోరీలను ఎంచుకుంటున్నారు. అయితే వరుణ్ తేజ్ నటించిన తాజా చిత్రం ‘మట్కా’(Matka). కరుణ కుమార్ దర్శకత్వంలో తెరకెక్కిన ఈ సినిమాను వైరా ఎంటర్‌టైన్మెంట్స్(Vyra Entertainments), ఎస్‌ఆర్‌టీ ఎంటర్‌టైన్‌మెంట్స్ బ్యానర్స్‌పై నిర్మించారు.

అయితే ఇందులో మీనాక్షి చౌదరి(Meenakshi Chaudhary) హీరోయిన్‌గా నటించగా.. నవీన్ చంద్ర, నోరా ఫతేహి(Nora Fatehi), సలోని కీలక పాత్రల్లో నటించారు. 1960లో బ్యాక్‌డ్రాప్‌తో పీరియాడిక్ యాక్షన్ డ్రామాగా వచ్చిన ఈ చిత్రం ప్రపంచ వ్యాప్తంగా నేడు విడుదలైంది. అయితే ఈ సినిమాను చూసిన నెటిజన్లు రివ్యూలు ఇస్తున్నారు. కామెడీ, యాక్షన్ సీన్స్, సెంటిమెంట్‌తో బాగుందని అంటున్నారు. అయితే ‘మట్కా’ థియేటర్స్‌లో మిక్స్‌డ్ టాక్ అందుకున్నట్లు సమాచారం. ఇన్నాళ్ల నుంచి హిట్ కోసం వెయిట్ చేస్తున్న వరుణ్ తేజ్‌కు నిరాశ ఎదురైంది.