ఏకంగా 14 రాష్టాల్లో ట్రెండింగ్‌లో దూసుకెళ్తున్న 'మేజర్'..

దిశ, వెబ్‌డెస్క్: టాలీవుడ్ యంగ్ హీరో అడవి శేష్ హీరోగా నటించిన సినిమా 'మేజర్'. ఈ చిత్రం జూన్ 3న ప్రపంచ వ్యాప్తంగా విడుదలై మంచి విజయం సాధించింది. రిలీజైన నెల రోజులకే ఓటీటీ దిగ్గజం నెట్‌ఫ్లిక్స్ లో జూలై 3 నుంచి స్ట్రీమింగ్ అవుతూ ట్రెండింగ్‌లో నిలుస్తుంది. అయితే ఇండియాలోనే కాకుండా ఇతర దేశాల్లోనూ టాప్ 10 ట్రెండింగ్ లో ఉంది. ఈ విషయాన్ని స్వయంగా మేజర్ టీమ్ ట్విట్టర్ లో షేర్ చేసి అభిమానులతో పంచుకుంది.

ప్రపంచ వ్యాప్తంగా ఈ సినిమాకు ఇంత మంచి పేరు రావడం చాలా మంచి విషయం అని చిత్ర యూనిట్ సంతోషం వ్యక్తం చేస్తుంది. ఇక ఇండియా, బంగ్లాదేశ్, మాల్దీవ్స్, పాకిస్థాన్, శ్రీలంక, మారిషస్ లో నెట్ ఫ్లిక్స్ లో ట్రెండింగ్ 1 లో కొనసాగుతుండగా బహ్రెయిన్, కువైట్, మలేషియా, ఒమన్, యూఏఈ, ఖతార్‌, సింగపూర్‌, నైజీరియా దేశాల్లో టాప్ 10లో కొనసాగుతుంది.