‘లాస్ట్ డే లాస్ట్ షాట్ ఆఫ్ పుష్ప. ఐదేళ్ల ఈ ప్రయాణం పూర్తయింది. వాట్ ఏ జర్నీ’.. ఐకాన్ స్టార్ ఇంట్రెస్టింగ్ పోస్ట్

దిశ, సినిమా: ఐకాన్ స్టార్ అల్లు అర్జున్, నేషనల్ క్రష్ రష్మిక మందన్న హీరోయిన్‌గా నటిస్తోన్న లేటెస్ట్ సినిమా ‘పుష్ప 2’. టాలెంటెడ్ డైరెక్టర్ సుకుమార్ దర్శకత్వం వహిస్తున్న ఈ చిత్రాన్ని మైత్రి మూవీ మేకర్స్ పతాకంపై ఇండియాస్ ఫేమస్ ప్రొడ్యూసర్స్ నవీన్ ఎర్నేని, యలమంచిలి రవి శంకర్‌లు అత్యంత ప్రతిష్టాత్మకంగా నిర్మిస్తున్నారు. ఇక డ్యాన్సింగ్ క్వీన్ శ్రీలీల ఓ స్పెషల్‌ సాంగ్‌తో అలరించనుంది. అయితే ఇప్పటికే రిలీజ్ అయిన ట్రైలర్, సాంగ్స్, గ్లింప్స్, టీజర్ అన్ని సినిమా పై మంచి హైప్‌ను తెచ్చిపెట్టాయి. దీంతో ఈ మూవీ కోసం ప్రపంచ వ్యాప్తంగా ఉన్న సినీ ప్రియులు ఎంతో ఈగర్‌గా వెయిట్ చేస్తున్నారు. కాగా ఈ చిత్రం డిసెంబర్ 5న వరల్డ్ వైడ్‌గా ప్రేక్షకుల ముందుకు రాబోతోంది. ఇక రిలీజ్ డేట్ దగ్గర పడుతుండటంతో ప్రస్తుతం చిత్రబృందం ప్రమోషన్ల బిజీలో ఉన్నారు. ఈ క్రమంలో అల్లు అర్జున్ పోస్ట్ నెట్టింట వైరల్ అవుతోంది.

తాజాగా అల్లు అర్జున్ తన ఇన్‌స్టా వేదికగా ఓ పోస్ట్ పెట్టాడు. అందులో పుష్ప 2 షూటింగ్‌కు గుమ్మడి కాయ కొట్టినట్లు సోషల్ మీడియా వేదికగా ప్రకటించాడు.‘లాస్ట్ డే లాస్ట్ షాట్ ఆఫ్ పుష్ప. ఐదేళ్ల ఈ ప్రయాణం పూర్తయింది. వాట్ ఏ జర్నీ’ అంటూ రాసుకొచ్చాడు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది. ఇక దీనిని చూసిన అభిమానులు తెగ సంబరపడిపోతున్నారు. ఇక రిలీజ్ డేట్ గురించి ఎలాంటి అపోహలు పెట్టుకోవాల్సిన అవసరం లేదంటున్నారు. కాగా పుష్ప 2 ఫస్ట్ హాఫ్ ఎడిటింగ్ సహా అన్ని పనులు పూర్తయ్యాయని టాక్. మరో రెండు రోజుల్లో సెకండాఫ్ కూడా ఎడిటింగ్ పూర్తవుతుందని సమాచారం.