Jr NTRకు షాక్.. ట్రాఫిక్ పోలీసులకు అడ్డంగా దొరికి పోయిన కారు
దిశ, బంజారాహిల్స్ : జూబ్లీహిల్స్‌లో ఎమ్మెల్యే కారు ప్రమాదం జరిగిన నేపథ్యంలో బ్లాక్..latest telugu news
దిశ, బంజారాహిల్స్ : జూబ్లీహిల్స్‌లో ఎమ్మెల్యే కారు ప్రమాదం జరిగిన నేపథ్యంలో బ్లాక్ ఫిల్మ్‌లతో తిరుగుతున్న కార్లపై పోలీసులు కొరడా జులుపిస్తున్నారు. దీనిలో భాగంగా జూబ్లీహిల్స్ ట్రాఫిక్ పోలీసుల ఆధ్వర్యంలో జూబ్లీహిల్స్ చెక్‌పోస్టు వద్ద ముమ్మరంగా వాహనాల తనఖీ చేపట్టారు. అదే సమయంలో అటుగా వెళ్తున్న ఎన్టీఆర్ కారును ఆపి బ్లాక్‌ఫిల్మ్‌ను తొలగించారు.
కారులో ఎన్టీఆర్ కుమారుడు, మరొకరు ఉన్నారు. దీంతో పాటు అచ్చంపేట ఎమ్మెల్యే గువ్వల బాలరాజు వాహనానికి ఉన్న వాహనాన్ని ఆపి బ్లాక్ తెరతో పాటు ఎమ్మెల్యే స్టిక్కర్ తొలగించారు. ఇప్పటి వరకు 90 వాహనాలపై నిబంధనలకు అనుగుణంగా లేని నంబరు ప్లేటు వాహనాలను గుర్తించి, చలానాలు విధించామని జూబ్లీహిల్స్ ట్రాఫిక్ ఇన్‌స్పెక్టర్ ముత్తు స్వామి తెలిపారు. ఇప్పటివరకు ఎమ్మెల్యే గువ్వల బాలరాజు పేరుతో ఉన్న ఎమ్మెల్యే స్టిక్కర్, మేరాజ్ హుస్సేన్, ఏపీకి చెందిన శ్రీధర్‌రెడ్డి పేరుతో ఉన్న స్టిక్కర్‌లను వాహనాల నుంచి తొలగించారు.