Devara OTT release date: .. ఓటీటీలో స్ట్రీమింగ్ కానున్న రూ.500 కోట్లు రాబట్టిన పాన్ ఇండియా మూవీ.. ఎప్పటినుంచంటే..?

దిశ, సినిమా: యంగ్ టైగర్ ఎన్టీఆర్(NTR), కొరటాల శివ(Koratala siva) కాంబోలో తెరకెక్కిన తాజా మూవీ ‘దేవర’(Devara). ఈ సినిమాలో అతిలోక సుందరి శ్రీదేవి(Sridevi) తనయురాలు, బాలీవుడ్ బ్యూటీ జాన్వీ కపూర్(Janhvi Kapoor) హీరోయిన్‌గా నటించింది. ఈ మూవీతోనే ఈ అమ్మడు తెలుగు ప్రేక్షకులకు పరిచయం అయింది. అయితే ఈ సినిమా సెప్టెంబర్ 27న రిలీజై మిక్స్‌డ్ టాక్ తెచ్చుకుంది. కానీ కలెక్షన్ల పరంగా రూ.500 కోట్లకు పైగా వసూళ్లను సాధించి బ్లాక్ బస్టర్ హిట్‌గా నిలిచింది. అయితే తాజాగా ఈ మూవీకు సంబంధించిన ఓటీటీ తేదీ ఖరారైంది. ఈ విషయాన్ని తెలియజేస్తూ సినిమా సంస్థ అధికారిక ప్రకటన చేసింది. ఇందులో భాగంగా ‘దేవర పార్ట్-1’ నవంబర్ 8 నుంచి నెట్‌ఫ్లిక్స్‌(Net Flix)లో స్ట్రీమింగ్ కానుంది. కాగా ఇప్పటి వరకు ఈ సినిమా చూడని వాళ్లు నెట్‌ఫ్లిక్స్‌లో చూసేయచ్చు.