నెత్తురు మరిగితే ఆ జెండా ఎత్తాల్సిందే.. స్టార్ హీరోస్

దిశ, సినిమా: ప్రపంచవ్యాప్తంగా ఉన్న సినిమా అభిమానులు 'ఆర్ఆర్ఆర్' కోసం ఎంతో ఆసక్తిగా ఎదురు చూస్తున్న సంగతి తెలిసిందే. కాగా ఎన్నో వాయిదాల తర్వాత మార్చి 25న రిలీజ్ కాబోతున్న ఈ సినిమా నుంచి మరో ఎమోషనల్ సాంగ్ ప్రోమో రిలీజ్ చేసిన మేకర్స్.. మార్చి 14న పూర్తి పాటను విడుదల చేయనున్నట్లు ప్రకటించారు. 'నెత్తురు మరిగితే ఎత్తర జెండా.. సత్తువ ఉరిమితే కొట్టర కొండా' అంటే సాగే ఈ గీతంలో తారక్, చరణ్ ఇద్దరు 'వందే మాతరం' అని రాసివున్న జెండాను ఎత్తిపట్టగా మధ్యలో అలియా కూడా దర్శనమిచ్చింది. ఇక ఈ పాటపై భారీ అంచనాలు పెరిగిపోగా ఈ సినిమా నుంచి ఇప్పటికే రిలీజైన పోస్టర్స్, సాంగ్స్ రికార్డులు సృష్టించిన సంగతి తెలిసిందే.