కాలిపోయిన రైలు పట్టాలు.. భానుడి భగభగలకు మంటలు!

దిశ, వెబ్‌డెస్క్: మన దేశమంతటా వర్షాలు మొదలయ్యాయి. ఎడతెరిపిలేని వర్షాలతో పల్లెలు, పట్టణాలు, నగరాలు తడిసి ముద్దవుతున్నాయి. అలాగే భారీ వర్షాల కారణంగా రాష్టాల్లో నదులు, వాగులు నీళ్లతో ఉప్పొంగిపోతున్నాయి. కానీ ఇంగ్లండ్‌లోని వాండ్స్‌వార్త్ రోడ్, లండన్ విక్టోరియాలో మాత్రం భానుడు ఉగ్ర రూపం చూపిస్తున్నాడు.

భానుడి భగభగలకు ఏకంగా రైలు పట్టాలే కాలిపోయాయి. ఈ విషయాన్ని స్వయంగా సౌత్ ఈస్ట్రన్ రైల్వే ఎండీ స్టీవ్ వైట్ తన ట్విట్టర్ ద్వారా తెలిపారు. అయితే సకాలంలో సిబ్బంది స్పందించి మంటలను ఆర్పేసినట్లు ఆయన వెల్లడించారు. పట్టాలపై మరీ పొడి వాతావరణం ఉండడంతో ఇలాంటి ప్రమాదం జరిగి ఉంటుందని అధికారులు చేబుతున్నారు.