Venkatesh : ‘సంక్రాంతికి వస్తున్నాం’ నుంచి బిగ్ అప్డేటిచ్చిన చిత్ర బృందం.. పోస్ట్ వైరల్

దిశ, వెబ్‌డెస్క్: వెంకటేష్(Venkatesh) హీరోగా వస్తోన్న ‘సంక్రాంతికి వస్తున్నాం(Sankranti vasthunnam)’ సినిమాపై ప్రేక్షకుల్లో భారీ అంచనాలు ఉన్నాయి. ఈ సినిమాకు అనిల్ రావిపూడి(anil Ravipudi) దర్వకత్వం వహిస్తున్నారు. గతంలో అనిల్ అండ్ వెంకీ కలయికలో తెరకెక్కిన ఎఫ్-2 (F-2) , ఎఫ్-3 (F-3)చిత్రాలు కూడా థియేటర్ వద్ద బాగా ఆడాయి. బ్లాక్ బస్టర్ హిట్ గా నిలవడంతో వీరిద్దరు మరోసారి జతకట్టారు.ఈ మూవీని శ్రీ వెంకటేశ్వర క్రియేషన్స్‌ బ్యానర్(Sri Venkateswara Creations Banner) పై దిల్ రాజు నిర్మిస్తున్నారు.

ప్రజెంట్ సంక్రాంతికి వస్తున్నాం సినిమా చిత్రీకరణ శరవేగంగా జరుపుకుంటోంది. ఇకపోతే నిన్న (నవంబరు 8) షూటింగ్ చివరి దశ స్టార్ట్ అయ్యింది. కాగా ఈ విషయాన్ని తెలుపుతూ మూవీ టీమ్ సోషల్ మీడియా వేదికన ఓ వీడియోను పంచుకుంది. శుక్రవారం అరకు(Araku)లో ఫైనల్ షెడ్యూల్ మొదలైందంటూ పోస్ట్ లో రాసుకొచ్చారు. ఈ పోస్ట్ సోషల్ మీడియాలో వైరల్ అవుతుండగా.. వెంకటేష్ ఫ్యాన్స్ సంతోషాన్ని వ్యక్తం చేస్తున్నారు. ఇకపోతే కామెడీ అండ్ యాక్ష‌న్ ఎంట‌ర్‌టైన‌ర్‌గా రాబోతున్న ఈ సినిమాలో ఐశ్వర్య రాజేష్, మీనాక్షి చౌదరి హీరోయిన్లుగా మెరవనున్నారు. వెంకటేష్ సంక్రాతికి వస్తున్నాం చిత్రం సంక్రాంతికి రాబోతుంది.