అమెరికా అధ్యక్షుడు జో బైడెన్‌కు కరోనా..

దిశ, వెబ్‌డెస్క్: కరోనా మహమ్మారి చాపకింద నీరులాగా మళ్లీ విస్తరిస్తోంది. ప్రపంచ వ్యాప్తంగా రోజూ పాజిటివ్ కేసుల సంఖ్య పెరుగుతుండటంతో పాటు అనేక మంది ప్రముఖులు మహమ్మారి బారిన పడుతున్నారు. తాజాగా.. అమెరికా అధ్యక్షుడు జో బైడెన్‌కు కరోనా పాజిటివ్ నిర్ధారణ అయినట్లు వైట్ హౌస్ ప్రకటించింది. ప్రస్తుతం బైడెన్ అధ్యక్ష భవనంలో ఐసోలేషన్‌లో ఉంటూ, తన అధికారిక విధులను నిర్వర్తించనున్నట్లు సమాచారం. అయితే ఇప్పటికే రెండు డోసులు వాక్సిన్స్‌తో పాటు బూస్టర్ డోస్ కూడా తీసుకున్నా.. ఆయనకు కరోనా పాజిటివ్ రావడం గమనార్హం.