హాలీవుడ్ మూవీలో అలియా.. షూటింగ్ ఫొటోలు లీక్!

దిశ, వెబ్‌డెస్క్: బాలీవుడ్ స్టార్ హీరోయిన్ ఆలియాభట్ ఇటీవల ప్రేమ పెళ్లి చేసుకున్న విషయం తెలిసిందే. పెళ్లైన రెండు నెలలకే అలియా ప్రెగ్నెంట్ ప్రకటించి అందరినీ ఆశ్చర్యపరిచింది. ప్రెగ్నెంట్ అయినా సరే సినిమాలకు మాత్రం బ్రేక్ ఇవ్వకుండా వరుస చిత్రాల్లో నటిస్తూ ఫుల్ బిజీగా ఉంది. టాలీవుడ్, బాలీవుడ్ లోనే కాకుండా ఇప్పుడు హాలీవుడ్ లోనూ తన సత్తా చాటుకునేందుకు రెడీ అయిపోయింది. ప్రస్తుతం హాలీవుడ్ లో 'హార్ట్ ఆఫ్ స్టోన్' సినిమాలో నటిస్తున్న సంగతి తెలిసిందే. అయితే ఇటీవలే హాలీవుడ్ చిత్రం షూటింగ్ కంప్లీట్ చేసుకోగా ఆలియా దాని గురించి ట్విట్టర్ లో పోస్టులు కూడా చేసింది.

తాజాగా ఈ సినిమాకి సంబంధించిన కొన్ని షూటింగ్ పిక్స్ లీక్ అయ్యాయి. హార్ట్‌ ఆఫ్‌ స్టోన్‌ సినిమా షూటింగ్ పోర్చుగల్ ఎడారుల్లో జరిగింది. అలియా, హాలీవుడ్ హీరోయిన్ గాల్‌ గాడోట్‌ పై కొన్ని సన్నివేశాలని తెరకెక్కించారు. ఈ షూటింగ్ కి సంబంధించిన పిక్స్ కొన్ని ఇప్పుడు సోషల్ మీడియాలో హల్ చల్ చేస్తున్నాయి. అది చూసిన నెటిజన్లు రకరకాల కామెంట్లు చేస్తున్నారు. ' ఈ ఫొటోలలో అలియా భట్‌ బేబీ బంప్‌ స్పష్టంగా కనిపిస్తుంది. ఎంత కవర్ చేయాలని చూసినా ఇందులో తన బేబీ బంప్ కనిపిస్తోందని కొంతమంది నెటిజన్లు కామెంట్స్ చేస్తే.. మరికొంత మంది ప్రెగ్నెన్సీ సమయంలో కూడా ఇలా సినిమా మీద ప్రేమతో యాక్షన్ సీన్స్ చేస్తుందని హ్యాట్సాఫ్ అంటున్నారు.