ఓటీటీలో సత్తా చాటుతోన్న అడివి శేష్ 'మేజర్'..

దిశ, వెబ్‌డెస్క్: అడివి శేష్ హీరోగా శశికిరణ్ తిక్క దర్శకత్వంలో 'మేజర్ సందీప్ ఉన్నికృష్ణన్' జీవిత కథ ఆధారంగా 'మేజర్' సినిమాను తెరకెక్కించారు. ఈ సినిమా విడుదలైన అన్నిచోట్లా హిట్ టాక్‌తో దూసుకెళ్లింది. దేశ వ్యాప్తంగా రికార్డు కలెక్షన్లతో సునామీ సృష్టిచింది. ఇక ఇప్పటికే మేజర్ సినిమాపై సినీ ప్రముఖులు ప్రశంసలు కురిపించిన విషయం తెలిసిందే. ఇటీవల జూలై 3వ తేదీ నుండి నెట్‌ఫ్లిక్స్ ఓటీటీలో డిజిటల్ స్ట్రీమింగ్ అవుతోంది.

అదేవిధంగా రెండ్రోజులలోనే నెట్‌ఫ్లిక్స్ ఇండియా టాప్ మూవీస్‌లో మేజర్ సినిమా మొదటి రెండు స్థానాలను సొంతం చేసుకుంది. హిందీ వెర్షన్ మొదటి స్థానంలో ఉండగా, తెలుగు వెర్షన్ రెండో స్థానంలో ఉంది. అయితే ఈ విషయాన్ని స్వయంగా అడివి శేష్ తన ట్విట్టర్ ద్వారా పోస్టు చేస్తూ ఓ పోస్టర్‌ను కూడా షేర్ చేశాడు. మేజర్ సినిమా థియేటర్లలోనే కాక ఓటీటీలో కూడా మంచి స్పందన రావడం పట్ల మేకర్స్ సంతోషం వ్యక్తం చేస్తున్నారు.