Thaman: మరోసారి గొప్ప మనసు చాటుకున్న క్రేజీ మ్యూజిక్ డైరెక్టర్.. నెట్టింట ప్రశంసల వర్షం(పోస్ట్)

దిశ, సినిమా: సౌత్‌లో క్రేజీ మ్యూజిక్ డైరెక్టర్‌గా దూసుకుపోతున్న తమన్ గురించి స్పెషల్‌గా చెప్పాల్సిన పనిలేదు. స్టార్ హీరోల సినిమాలకు సంగీతం అందిస్తూ మంచి గుర్తింపు సంపాదించుకున్నారు. అలాగే బుల్లితెర మ్యూజిక్ షోలకు కూడా తమన్ జడ్జ్‌గా వ్యవహరిస్తున్నాడు. ఇక నిత్యం సోషల్ మీడియాలో యాక్టివ్‌గా ఉంటూ ఫ్యాన్స్‌కు టచ్‌లోనే ఉంటాడు. అంతేకాకుండా తనకు వీలైనంత వరకు సాయం చేస్తూ గుడ్ హార్ట్ అనిపించుకుంటున్నాడు. ఎవరైనా అత్యవసర పరిస్థితుల్లో సాయం కావాలని అడిగితే తమన్ సోషల్ మీడియాలో స్పందించి వాళ్ళ వివరాలు తీసుకుని సాయం చేస్తుంటారు. ఈ క్రమంలో తాజాగా తమన్ మరోసారి తన గొప్ప మనసు చాటుకున్నారు. అందుకు సంబంధించిన పోస్ట్ నెట్టింట వైరల్ అవుతోంది.

తాజాగా కిడ్నీ ట్రాన్స్ ప్లాంటేషన్ సర్జరీ అవసరం అయిన పేషంట్‌కి తమన్ సాయం చేశారు. తమన్ అందించిన సాయంతో సదరు పేషంట్‌కి కిడ్నీ ట్రాన్స్ ప్లాంటేషన్ ఆపరేషన్ విజయవంతంగా పూర్తి అయింది. ఈ విషయాన్ని డాక్టర్ లీలా కృష్ణ సోషల్ మీడియాలో తెలియజేస్తూ.. ‘థాంక్యూ డియర్ తమన్.. గొప్ప మనసుతో పేషెంట్‌కి సాయం చేసి కిడ్నీ ట్రాన్స్ ప్లాంటేషన్ విజయవంతంగా జరిగేలా చేశావు. నీ కైండ్ హార్ట్‌ని జీవితాంతం గుర్తు పెట్టుకుంటా’ అని తమన్‌తో ఉన్న ఫోటోని లీలా కృష్ణ పోస్ట్ చేశారు. కాగా హైదరాబాద్‌లోని ఐను హాస్పిటల్స్‌లో ఈ చికిత్స జరిగింది. ఇక ఈ పోస్ట్‌కు తమన్ స్పందిస్తూ.. ‘గాడ్ ఈజ్ గ్రేట్ డియర్ డాక్టర్’ అంటూ లీలా కృష్ణకి రిప్లై ఇచ్చారు. దీంతో పేషంట్ ప్రాణాలు నిలిచేలా సాయం చేసిన తమన్‌పై నెటిజన్లు, అభిమానులు ప్రశంసల వర్షం కురిపిస్తున్నారు.