యూపీలో ఘోరప్రమాదం 10 మంది మృతి, ఏడుగురికి గాయాలు ..

లక్నో: ఉత్తరప్రదేశ్‌లో ఘోర ప్రమాదం చోటు చేసుకుంది. వాహానం అదుపుతప్పి కాలువలో పడిన ఘటనలో 10 మంది భక్తులు మరణించారు. వీరిలో ముగ్గురు చిన్నారులు కూడా ఉన్నారు. మరో ఏడుగురు గాయలపాలైనట్లు అధికారులు చెప్పారు. గురువారం తెల్లవారు జామున 4 గంటలకు 17 మందితో ఉత్తరాఖండ్ హరిద్వార్ నుంచి లఖీంపూరి వైపు వెళ్తున్న వాహానానికి ప్రమాదం చోటు చేసుకున్నట్లు అధికారులు తెలిపారు. డ్రైవర్ నిద్రలేకపోవడంతోనే వాహానంపై నియంత్రణ కోల్పోయాడని చెప్పారు. ఈ ఘటనపై సీఎం యోగీ ఆదిత్యనాథ్ విచారం వ్యక్తం చేశారు. అధికారుల సరైన సహాయక చర్యలు అందించాలని ఆదేశించారు. పోలీసులు తెలిపిన ప్రకారం 8 మంది ఘటనస్థలంలోనే మరణించగా, ఇద్దరు ఆసుపత్రిలో చికిత్స పొందుతూ మరణించారని చెప్పారు.