మీకు 200 యూనిట్ల ఫ్రీ కరెంట్ కావాలా.. అయితే ఈ డీటైల్స్ రాసి మీటర్‌కు అతికించండి
తెలంగాణ ప్రభుత్వం త్వరలో అమలు చేయబోతున్న 200 యూనిట్ల ఉచిత విద్యుత్.. కోసం అధికారులు సన్నాహాలు మొదలెట్టారు.
దిశ, వెబ్‌డెస్క్: తెలంగాణ ప్రభుత్వం త్వరలో అమలు చేయబోతున్న 200 యూనిట్ల ఉచిత విద్యుత్.. కోసం అధికారులు సన్నాహాలు మొదలెట్టారు. ఈ క్రమంలోనే కరెంట్ బిల్లులు కొట్టే ఉద్యోగులకు సమాచారం తీసుకొని రావాలని అధికారులు సూచించినట్లు తెలుస్తోంది. వినియోగదారుల నుంచి ఆధార్, రేషన్, ఫోన్ నంబర్లను సిబ్బంది నమోదు చేయాల్సి ఉంది. ఈ క్రమంలోనే విద్యుత్ బిల్లులు తీసేందుకు వచ్చేప్పుడు.. వారికి సహకరించాలని అధికారులు కూడా సూచిస్తున్నారు.
ఒక వేళ బిల్ తీసేందుకు వచ్చినప్పుడు.. ఇంట్లో వాళ్లు లేకుంటే ఇలా చేయాలని సోషల్ మీడియాలో ఓ ఫొటో వైరల్‌గా మారింది. సమాచారం నమోదు చేసుకునేటప్పుడు ఇంటి యజమాని లేకున్నా.. ఆధార్, రేషన్, ఫోన్ నెంబర్లు ఉంటే సరిపోతుందని.. మీ మీ విద్యుత్ మీటర్ కు వాటిని రాసి అతికించి తమ సిబ్బందికి అతికించాలని కోరుతున్నట్లు తెలుస్తోంది. దీనికి సంబంధించి ఓ విద్యుత్ అధికారి వాట్సాప్‌లో పెట్టిన పోస్ట్ ఇప్పుడు రాష్ట్రంలోని వాట్సాప్ గ్రూప్‌లలో వైరల్ గా మారింది. కాగా దీనిపై విద్యుత్ అధికారులు క్లారిటీ ఇవ్వాల్సి ఉంది.