మిషన్ భగీరథ ట్యాంక్‌లో పడి వ్యక్తి మృతి

దిశ, కమలాపూర్: ప్రమాదవశాత్తు మిషన్ భగీరథ నీటి ట్యాంకులో పడి వ్యక్తి మృతి చెందిన సంఘటన మంగళవారం హనుమకొండ జిల్లా కమలాపూర్ మండలంలోని భీంపల్లి గ్రామంలో చోటు చేసుకుంది. గ్రామస్తులు తెలిపిన వివరాల ప్రకారం గ్రామానికి చెందిన కుక్కల సమ్మయ్య (55) కూలి పని చేసుకుంటూ జీవనం సాగిస్తున్నాడు. ఆదివారం ఇంట్లో నుండి వెళ్లిన సమ్మయ్య మరుసటి రోజు వరకు తిరిగి ఇంటికి రాకపోవడంతో కుటుంబ సభ్యులు సమ్మయ్య కోసం వెతకడం మొదలుపెట్టారు. ఈ క్రమంలో మంగళవారం గ్రామంలోని మిషన్ భగీరథ వాటర్ ట్యాంక్ వద్ద ఎవరివో చెప్పులు కనబడడంతో వాటర్ ట్యాంక్ నుండి వచ్చే దుర్వాసనను గమనించి వాటర్ ట్యాంక్ పైకెక్కి చూడగా వాటర్ ట్యాంక్ లో సమ్మయ్య మృతి చెంది ఉండడాన్ని వారు గమనించారు. ప్రమాదానికి గల కారణాలు తెలియాల్సి ఉంది.