క్రషర్‌లో బాంబ్ బ్లాస్ట్.. వణికిపోతున్న జనం!

దిశ,గూడూరు: క్రషర్‌లో ఏర్పాటు చేసిన బాంబుల బ్లాస్ట్ తీవ్ర కలకలం రేపాయి. ఈ ఘటన మహబూబాబాద్ జిల్లా గూడూరు మండలం గాజుల గట్టు శివారులో చోటు చేసుకుంది. బోడగుట్ట క్రషర్ నిర్వాహకులు ఇష్టారాజ్యంగా బాంబు బ్లాస్టులు చేయడంతో.. గ్రామస్థులు ఆందోళన చేస్తున్నారు. భారీ శబ్దానికి రాళ్లు ఇండ్ల మీద పడి ఇండ్లు దెబ్బ తింటున్నాయని గ్రామస్తులు వాపోయారు. క్రషర్ కు తాళం వేసి గాజుల గట్టు గ్రామస్థులు ధర్నా నిర్వహించారు. నిర్వాహకులు వారి ఇష్టనుసారంగా సమయ పాలన లేకుండా బాంబులు బ్లాస్ట్ చేయడంతో అక్కడి చుట్టూ పక్క రైతుల పొలాలు మరియు ఇండ్లు దెబ్బ తింటున్నాయని గ్రామస్థులు ఆందోళన చేశారు. ఇంతకు ముందు కూడా పలుమార్లు నిర్వాహకులకు చెప్పిన ఆందోళన కూడా చేసాము అని కానీ వారు మాత్రం అలాగే వ్యవహరిస్తున్నారని గ్రామస్తులు ఆవేదన వ్యక్తం చేశారు. మండల స్థాయి అధికారులకు మరియు జిల్లా అధికారులకు ఫిర్యాదు చేసిన పట్టించుకోవడం లేదని అన్నారు. ఇప్పటికి అయిన సంబంధిత శాఖ అధికారులు స్పందించి చర్యలు తీసుకోవాలని గ్రామస్థులు డిమాండ్ చేస్తున్నారు.