TSPSC ఏఈఈ మెరిట్‌ జాబితా ఎప్పుడంటే..?

దిశ, తెలంగాణ బ్యూరో : తెలంగాణ రాష్ట్ర వ్యాప్తంగా ఉన్న వివిధ ప్రభుత్వ విభాగాల్లో టీఎస్పీఎస్సీ నిర్వహించిన 1,540 అసిస్టెంట్‌ ఎగ్జిక్యూటివ్‌ ఇంజినీర్‌ (ఏఈఈ) పోస్టుల భర్తీకి మే 8, 9, 21,22 తేదీల్లో ఆన్‌లైన్‌ విధానంలో పరీక్ష నిర్వహించిన సంగతి తెలిసిందే. ఈ పరీక్షకు సంబంధించిన ప్రాథమిక ఆన్సర్‌ ‘కీ’ని మే 27 విడుదల చేసింది. ఈ పరీక్షకు సంబంధించి అభ్యర్ధుల నుండి జూన్‌ 1 నుంచి 3వ తేదీ వరకు అభ్యంతరాలను స్వీకరించింది. తుది ఆన్సర్ కీ కూడా ఇటీవల విడుదల చేసింది. ఇందుకు సంబంధించిన మెరిట్‌ జాబితా త్వరలోనే వెలువరించనున్నట్లు టీఎస్పీయస్సీ ప్రకటించింది. న్యాయవివాదం పరిష్కారమైతే వారం, పది రోజుల్లోనే ఫలితాలను విడుదల చేసేందుకు కమిషన్ కసరత్తులు చేస్తుంది. ఇక మెరిట్‌ జాబితా ప్రకటించిన నాలుగైదు రోజుల్లో తుది ఎంపిక ఫలితాలను కూడా ప్రకటించనుంది.