ఆరోగ్య తెలంగాణకు అడుగులు.. టీఎస్ఎంఎస్ఐడీసీ చైర్మన్డా.ఎర్రోళ్ల శ్రీనివాస్
సీఎం కేసీఆర్ నేతృత్వంలో తెలంగాణలో ఆరోగ్యం పరుగులు పెడుతోందని టీఎస్ఎంఎస్ఐడీసీ చైర్మన్డా.ఎర్రోళ్ల శ్రీనివాస్ అన్నారు.
దిశ, తెలంగాణ బ్యూరో: సీఎం కేసీఆర్ఆదేశాలతో మంత్రి హరీష్రావు ఆలోచనలతో ఆరోగ్యరంగం పరుగులు పెడుతున్నదని టీఎస్ఎంఎస్ఐడీసీ చైర్మన్ డాక్టర్ఎర్రోళ్ల శ్రీనివాస్కొనియాడారు. మంత్రి హరీష్ రావు బర్త్డే సందర్భంగా ఆయన హెల్త్ హెచ్వోడీలతో కలసి కోఠి క్యాంపస్ లో మొక్కలు నాటారు. ఈసందర్భంగా డాక్టర్ ఎర్రోళ్ల శ్రీనివాస్ మాట్లాడుతూ.. రాష్ట్ర ప్రజలంతా సంపూర్ణ ఆరోగ్యంతో ఉండేందుకు ప్రభుత్వం ప్రత్యేక జాగ్రత్తలు తీసుకుంటుందన్నారు. ప్రభుత్వం ప్రవేశపెట్టిన జిల్లాకో మెడికల్ కాలేజీలతో పేద ప్రజలందరికీ సూపర్స్పెషాలిటీ వైద్యం అందుతుందన్నారు. కేసీఆర్కిట్, న్యూట్రిషన్కిట్, ఎన్సీడీ కిట్ లతో ఎంతో మేలు జరుగుతుందన్నారు. పబ్లిక్హెల్త్ డైరెక్టర్ డాక్టర్గడల శ్రీనివాసరావు మాట్లాడుతూ.. మంత్రి హరీష్ రావు నేతృత్వంలో హెల్త్ సెక్టార్ బలోపేతం అయిందన్నారు.
ప్రాథమిక ఆరోగ్యకేంద్రం నుంచి టీచింగ్ ఆసుపత్రుల వరకు పనితీరు మెరుగుపడిందన్నారు. పేదోళ్లకు కార్పొరేట్ స్థాయి వైద్యం అందుతుందన్నారు. డీఎంఈ డాక్టర్ రమేష్ రెడ్డి మాట్లాడుతూ...కొత్త మెడికల్ కాలేజీలు అందుబాటులోకి రావడం వలన ఎంబీబీఎస్ సీట్లు పెరిగాయన్నారు. దీంతో ఎక్కువ మంది డాక్టర్లు అందుబాటులోకి వస్తారన్నారు. తద్వారా వైద్యరంగం మరింత బలోపేతం అవుతుందన్నారు. టీవీవీపీ కమిషనర్డాక్టర్అజయ్ కుమార్ మాట్లాడుతూ...జిల్లా, ఏరియా ఆసుపత్రులన్నింటిలో అవసరమైన సదుపాయలన్నీ అతి తక్కువ సమయంలో సమకూర్చుతున్నారన్నారు. దీంతోనే గతంతో పోల్చితే ఫర్మామెన్స్ లో మార్పు కనిపిస్తుందన్నారు.
టీఎస్ఎంఎస్ఐడీసీ ఎండీ చంద్రశేఖర్రెడ్డి మాట్లాడుతూ...ఆసుపత్రుల్లో మిషన్లు ఖరాబైన వెంటనే మరమ్మతులు జరిగేందుకు ప్రత్యేక సిస్టంను తీసుకువచ్చామన్నారు. దీంతో పాటు మార్కెట్లోకి కొత్త టెక్నాలజీ మిషన్లు, ఎక్విప్మెంట్లను కొనుగోలు చేసి ముఖ్యమైన ప్రభుత్వాసుత్రులన్నింటిలోనూ ఏర్పాటు చేస్తున్నామన్నారు. ఈ కార్యక్రమంలో డీహెచ్ ఓఎస్డీ శంకర్, పబ్లిక్ హెల్త్ డాక్టర్స్ అసోసియేషన్ప్రెసిడెంట్ డాక్టర్కత్తి జనార్ధన్, డాక్టర్రాజ్కుమార్జాదవ్ తదితరులు పాల్గొన్నారు.