TRT నోటిఫికేషన్ వెంటనే జారీ చేయాలి: డీఎడ్, బీఎడ్ అభ్యర్థుల సంఘం డిమాండ్
రాష్ట్రంలో ఖాళీగా ఉన్న 15 వేల ఉపాధ్యాయ పోస్టులకు ఆర్థిక శాఖ అనుమతి ఇచ్చి, వెంటనే టీఆర్టీ నోటిఫికేషన్ జారీ చేయాలని తెలంగాణ రాష్ట్ర డీఎడ్, బీఎడ్ అభ్యర్థుల సంఘం డిమాండ్ చేసింది.
దిశ, తెలంగాణ బ్యూరో: రాష్ట్రంలో ఖాళీగా ఉన్న 15 వేల ఉపాధ్యాయ పోస్టులకు ఆర్థిక శాఖ అనుమతి ఇచ్చి, వెంటనే టీఆర్టీ నోటిఫికేషన్ జారీ చేయాలని తెలంగాణ రాష్ట్ర డీఎడ్, బీఎడ్ అభ్యర్థుల సంఘం డిమాండ్ చేసింది. జూన్ 12న టెట్ పరీక్ష నిర్వహించి 9 నెలలు గడిచినా టీఆర్టీ నోటిఫికేషన్ జారీ చేయకుండా టీచర్ల బదిలీలు ప్రమోషన్స్ అంటూ కాలయాపన చేయడం సరికాదని పేర్కొంది. హైకోర్టులో బదిలీల పదోన్నతుల ప్రక్రియపై ఒక పక్క కేసులు ఉండగా.. ఆ ప్రక్రియ పూర్తి అయ్యే సరికి జాప్యం జరిగే అవకాశం ఉందని తెలిపింది.