తెలంగాణలో ఐఏఎస్ అధికారుల బదిలీ

దిశ, డైనమిక్ బ్యూరో: తెలంగాణ రాష్ట్రంలో అధికారుల బదిలీ ప్రక్రియ కొనసాగుతూనే ఉంది. తాజాగా మరో ముగ్గురు ఐఏఎస్ అధికారులు బదిలీ అయ్యారు. ఈ నేపథ్యంలోనే (సీఎస్) రాష్ట్ర ప్రభుత్వ ప్రధాన కార్యదర్శి శాంతి కుమారి గురువారం ఉత్తర్వులు జారీ చేశారు. ముగ్గురిలో ఇద్దరు ఐఏఎస్‌లకు పోస్టింగ్స్.. ఒకరిని బదిలీ చేస్తూ రాష్ట్ర ప్రభుత్వం నిర్ణయం తీసుకుంది.

ప్లానింగ్ డిపార్ట్‌మెంట్ జాయింట్ సెక్రెటరీగా ఐఏఎస్ శివలింగయ్య‌ను నియమించారు. అలాగే వరంగల్ అడిషనల్ కలెక్టర్ అశ్విని తనాజీ ఐఏఎస్‌ను వరంగల్ మున్సిపల్ కమిషనర్‌గా బదిలీ చేశారు. మరోవైపు బీసీవెల్ఫేర్ డిపార్ట్‌మెంట్ అడిషనల్ డైరెక్టర్‌గా ఉన్న మల్లయ్య బట్టును తెలంగాణ రాష్ట్ర ఎడ్యుకేషన్ ఇన్ఫ్రా‌స్ట్రక్చర్ డెవలప్‌మెంట్ కార్పొరేషన్ (టీఎస్ఈడబ్ల్యూఐడీసీ) ఎండీగా నియమిస్తూ ఉత్తర్వులు జారీ చేశారు.