TG Govt: తెలంగాణలో 8 మంది ఐఎఫ్‌ఎస్‌ల బదిలీ

దిశ, వెబ్‌డెస్క్: తెలంగాణలో 13 మంది ఐఏఎస్ అధికారులతో పాటు 8 మంది ఐఎఫ్‌ఎస్ అధికారులను ప్రభుత్వం బదిలీ చేసింది. ఈ మేరకు సీఎస్ శాంతి కుమారి సోమవారం ఉత్తర్వులను జారీ చేశారు. ప్రియాంక వర్గీస్‌ను చార్మినార్ సర్కిల్ సీసీఎఫ్‌గా, శివాలా రాంబాబును గద్వాల జిల్లా అటవీ అధికారిగా, డాక్టర్ సునీల్ ఎస్.హిర్మిత్‌ను నెహ్రూ జూ పార్క్ డైరెక్టర్‌గా నియమించారు. పి.శ్రీనివాస్ రావును సిద్దిపేట జిల్లా అటవీ అధికారిగా, ఎస్వీ ప్రదీప్ కుమార్ షెట్టి డిప్యూటీ కన్జర్వేటర్ ఆఫ్ ఫారెస్ట్‌గా నియమించారు. కే.శ్రీనివాస్‌ను హెచ్ఎండీఏ అర్బన్ ఫారెస్ట్రీ డైరెక్టర్‌గా, జే.వసంతను నెహ్రూ జూ పార్క్ క్యూరియేటర్‌గా, ఎం.నవీన్ రెడ్డిని భూపాలపల్లి జిల్లా అటవీ అధికారిగా నియమించారు.