స్థిత ప్రజ్ఞత ఉన్న నేత రాహుల్.. టీపీసీసీ ఉపాధ్యక్షుడు మల్లు రవి

దిశ, తెలంగాణ బ్యూరో: స్థిత ప్రజ్ఞత ఉన్న నేత రాహుల్ గాంధీ అని టీపీసీసీ ఉపాధ్యక్షుడు మల్లు రవి తెలిపారు. మంగళవారం ఆయన గాంధీభవన్​ లో మాట్లాడుతూ.. భావి భారత ప్రధానిని విమర్శించే హక్కు బీఆర్​ఎస్​ నాయకులకు లేదన్నారు. రాహుల్​ సంధించిన ప్రశ్నలకు జవాబులు చెప్పలేక.. బీఆర్​ఎస్ నేతలే పరిపక్వత లేనట్లు వ్యవహరిస్తున్నారన్నారు. రాష్ట్రంలో అడ్డగోలుగా అవినీతి జరిగిందన్నారు. బీజేపీ, బీఆర్​ఎస్ పార్టీలు నీచ రాజకీయాలకు పరాకాష్టగా మారాయన్నారు. పరిపక్వత అంటే అడ్డగోలు అవినీతి చేయడమా? అంటూ బీఆర్​ఎస్ పై ఫైర్​ అయ్యారు. ఇతర పార్టీల్లో గెలిచిన నాయకులను అక్రమంగా గుంజుకొని.. బీఆర్​ఎస్​ నేతలు ఇప్పుడు విమర్శలు చేయడం విచిత్రంగా ఉన్నదన్నారు.

నియంతలా పోలీసులను అడ్డం పెట్టుకొని రాజకీయాలు చేస్తున్నారన్నారు. దేశాన్ని విద్వేషాల నుంచి ఐక్యత సాధించేందుకు కన్యాకుమారి నుంచి కాశ్మీర్ వరకు దాదాపు 4 వేల కిలోమీటర్లు పాదయాత్ర చేసిన మహా మనిషి రాహుల్ గాంధీ అని కొనియాడారు. అలాంటి గొప్ప నిస్వార్ధ నేత గురించి బీఆర్​ఎస్​ నాయకులు విమర్శిస్తే ప్రజలే బుద్ది చెబుతారన్నారు.