ఆ బాధ్యత మాజీ ముఖ్యమంత్రి కేసీఆర్‌దే.. విజయశాంతి ఆసక్తికర ట్వీట్!

దిశ, వెబ్‌డెస్క్: బీఆర్ఎస్ నేతల తీరు పట్ల కాంగ్రెస్ నేత విజయశాంతి ట్విట్టర్ వేదికగా ఫైర్ అయ్యారు. ‘బీఆర్ఎస్ అధ్యక్షులు కేసీఆర్ గారికి సర్జరీ జరిగి హాస్పిటల్ లో ఉంటే, మర్యాద పూర్వకంగా కాంగ్రెస్ ప్రభుత్వ నేతలు కలిసి ఓదార్పు చెబితే.. అందుకు కూడా కొంత మంది బీఆర్ఎస్ ముఖ్యులు వ్యతిరేక కామెంట్స్ పోస్ట్ చేయడం అసమంజసం. మానవీయ స్పందనకు రాజకీయాన్ని కలపడం నేటి బీఆర్ఎస్ కు అవరమేమో కానీ, కాంగ్రెస్ ప్రభుత్వానికి కాదు. అలాంటి ప్రకటనలు చేస్తున్న బీఆర్ఎస్ నేతలను తప్పుబట్టి ఖండించవలసిన అవసరం తప్పక కేసీఆర్ గారికి ఉంది. అంతేకాదు, మీ కొందరు బీఆర్ఎస్ నేతలు ఇప్పటి కాంగ్రెస్ ప్రభుత్వం 6 నెలల కన్నా ఉండదు. అని చేస్తున్న ప్రకటనలను కూడా మీరు తప్పక తప్పు అని చెప్పాలి కేసీఆర్ గారూ.. (మీరు, మీ పాలన మాత్రమే తెలంగాణ అన్న ధోరణి విడిచి, తెలంగాణల ప్రజాస్వామ్యం తప్పక పదికాలాలు మంచిగుండాలి.. అని అభిప్రాయపడే విధానం ఉండాలి.) అని విజయశాంతి ట్వీట్ చేశారు.