జూనియర్ ​డాక్టర్లకు త్వరలోనే గుడ్ న్యూస్.. స్టైఫండ్ ​పెంపునకు సర్కార్ గ్రీన్​సిగ్నల్..?​

దిశ, తెలంగాణ బ్యూరో: జూనియర్​ డాక్టర్ల స్ట్రైక్ ​షెడ్యూల్ వాయిదా పడింది. స్టైఫండ్​ పెంపునకు ప్రభుత్వం నిర్ణయం తీసుకోని నేపథ్యంలో బుధవారం నుంచి రాష్ట్ర వ్యాప్తంగా అన్ని టీచింగ్ ఆసుపత్రులలో ఎమర్జెన్సీ సేవలు మినహా అన్ని సేవలు నిలిపివేయాలని జూడాలు భావించారు. కానీ మంగళవారం మంత్రిని కలసిన తర్వాత తమ నిర్ణయాన్ని మార్చుకున్నట్లు జూడాలు ఓ ప్రకటనలో వెల్లడించారు. ఇంటర్న్‌లు, పీజీలు, సూపర్​స్పెషాలిటీ డాక్టర్లకు 15 శాతం స్టైఫండ్​పెరగనున్నదని, హైక్​ప్రాసెస్​ఉన్నదని మంత్రి చెప్పినట్లు జూడాలు తెలిపారు. ఈనెలాఖరు వరకు క్లియర్​ అయ్యే అవకాశం ఉన్నదని డాక్టర్లు వెల్లడించారు.