TG GENCO: జెన్కో పరిధిలో కేడర్ స్ట్రెంత్ తేల్చేందుకు కమిటీ

దిశ, తెలంగాణ బ్యూరో: జెన్కో పరిధిలో భద్రాద్రి, యాదాద్రి థర్మల్ ప్లాంట్లలో ఆపరేషన్స్, మెయింటనెన్స్ విభాగాల్లో విధులు నిర్వర్తిస్తున్న కేడర్ స్ట్రెంత్‌ను తేల్చేందుకు కమిటీని ఏర్పాటు చేశారు. ఈ మేరకు జెన్కో సీఎండీ రోనాల్డో రోస్ శనివారం ఉత్తర్వులు జారీ చేశారు. 8 మందితో కూడిన కమిటీని ఏర్పాటు చేశారు. ఈ కమిటీలో డైరెక్టర్లు సచ్చిదానందం, బి.లక్ష్మయ్య, ఏ.అజయ్, వెంకటరాజం, నర్సింగ్ రావు, జగత్‌రెడ్డి, చీఫ్ ఇంజినీర్ వెంకటేశ్వర్ రావు ఉన్నారు. కాగా, కన్వీనర్‌గా జెన్కో సీజీఎం రాజేంద్రప్రసాద్ కమిటీలో ఉన్నారు. వారం రోజుల్లోగా కేడర్ స్ట్రెంత్ తేల్చి నివేదిక అందించాలని సీఎండీ ఆదేశించారు.