TG Govt: ఇథనాల్ ఫ్యాక్టరీ వివాదంపై తెలంగాణ ప్రభుత్వం స్పందన

దిశ, వెబ్‌డెస్క్: ఇథనాల్ ఫ్యాక్టరీ(Ethanol Factory) వివాదంపై తెలంగాణ ప్రభుత్వం(Telangana Government) స్పందించింది. గత ప్రభుత్వం ఇచ్చిన అనుమతిపై పునరాలోచన చేయాలని నిర్ణయించింది. అంతేకాదు.. వెంటనే నిర్ణయం తీసుకోవాలని భావిస్తోంది. కాగా, ఇథనాల్ ఫ్యాక్టరీ ఏర్పాటును వ్యతిరేకిస్తూ గతకొన్ని రోజులుగా నిర్మల్ జిల్లా దిలావర్​పూర్(Dilawarpur) గ్రామస్తులు పోరాటం చేస్తున్నారు. గ్రామంలోని చిన్నా, పెద్దా అనే తేడా లేకుండా అంతా కలిసి రోడ్లమీదకు వచ్చి నిరసన తెలుపుతున్నారు. పరిశ్రమ ఏర్పాటును రద్దు చేసేంతవరకు తమ పోరాటం ఆగదని దిలావర్​పూర్​ ప్రజలు స్పష్టం చేశారు. ఈ ఫ్యాక్టరీ ఏర్పాటు వల్ల తమ పంట పొలాలతో పాటు పర్యావరణం సైతం దెబ్బతింటుందని గ్రామస్తులు ఆందోళన చేస్తున్నారు. పరిశ్రమ ఏర్పాటును ఎట్టి పరిస్థితిలో అడ్డుకుంటామని తేల్చి చెబుతున్నారు. మరి దీనిపై ప్రభుత్వం ఎలాంటి నిర్ణయం తీసుకుంటుందో చూడాలి.