తెలంగాణ అసెంబ్లీ సమావేశాలు ప్రారంభం

దిశ, వెబ్‌డెస్క్: తెలంగాణ అసెంబ్లీ సమావేశాలు ప్రారంభం అయ్యాయి. ఎమ్మెల్యేల చేత ప్రొటెమ్ స్పీకర్ అక్బరుద్దీన్ ఒవైసీ ప్రమాణ స్వీకారం చేయించారు. మరోవైపు బీజేపీ పార్టీ తరపున ఎన్నికైన ఎమ్మెల్యేలంతా సమావేశాలను బహిష్కరించారు. ప్రొటెమ్ స్పీకర్‌గా అక్బరుద్దీన్‌ను నియమించడంపై అసహనం వ్యక్తం చేస్తూ బీజేపీ ఎమ్మెల్యేలు ఈ నిర్ణయం తీసుకున్నారు. మరోవైపు అనారోగ్యంతో ఉన్న కేసీఆర్, ఆయన వద్ద ఉన్న కేటీఆర్ తప్పా బీఆర్ఎస్ ఎమ్మెల్యేలంతా ఈ సమావేశాలకు హాజరయ్యారు. కాగా, ఈ అసెంబ్లీ సమావేశాల్లో ఏకంగా 51 మంది కొత్త ఎమ్మెల్యేలు అడుగుపెట్టారు. అంతకుముందు అసెంబ్లీ ఆవరణలోని బంగారు మైసమ్మ ఆలయంలో సీఎం రేవంత్ రెడ్డి ప్రత్యేక పూజలు చేశారు.