కాంట్రాక్టర్లకు రైతు బంధు పైసలు...?

దిశ, తెలంగాణ బ్యూరో : కాంట్రాక్టర్లకు రైతు బంధు పైసలు బదిలీ అవుతున్నాయని టీపీసీసీ అధ్యక్షుడు రేవంత్ రెడ్డి ఆరోపించారు. శుక్రవారం ఆయన హైదరాబాద్‌లో మీడియాతో మాట్లాడుతూ.. కమీషన్ల కోసమే కేసీఆర్ కాంట్రాక్టర్లతో కుమ్మక్కైయ్యాడన్నారు. ఈ అంశంపై కాంగ్రెస్ కీలక నేతలంతా శనివారం సీఈవో వికాస్ రాజ్‌కు ఫిర్యాదు చేస్తామన్నారు.

కేసీఆర్ ఓటమి భయంతో రైతు బంధు నిధులను కాంట్రాక్టర్లకు మళ్లిస్తున్నాడన్నారు. హైదరాబాద్ చుట్టుపక్కల ఉన్న అసైన్డ్ మెంట్ భూములను ఇతరుల పేర్ల మీద రిజిస్ట్రేషన్ చేసే పక్రియ జరుగుతుందన్నారు. ప్రభుత్వ అన్ని ట్రాన్సాక్షన్స్‌పై నిఘా పెట్టాలని ఎన్నికల అధికారులకు ఫిర్యాదు చేస్తామన్నారు.

ప్రభుత్వ ట్రాన్సాక్షన్స్‌పై విజిలెన్స్ నిఘా పెట్టాలని హైదరాబాద్, ఢిల్లీ‌లో ఎన్నికల సంఘం, ఎన్నికల కమీషన్‌కు కంప్లైంట్ ఇవ్వబోతున్నామన్నారు. కేసీఆర్ ఎన్ని ప్రయత్నాలు చేసినా.. కాంగ్రెస్ ప్రభుత్వం ఏర్పడబోతుందన్నారు. అన్ని వర్గాలకు మేలు జరగాలంటే కాంగ్రెస్ పవర్‌లోకి రావాల్సిన అవసరం ఉన్నదన్నారు.