RS Praveen Kumar counter to Kalvakuntla Kavitha and Y.S.Sharmila!

దిశ, డైనమిక్ బ్యూరో : సోషల్ మీడియాలో పొలిటికల్ వార్ నడుస్తుంది. వైఎస్సార్టీపీ అధినేత్రి వైఎస్ షర్మిల, బీజేపీపై ఎమ్మెల్సీ కవితకు మధ్య ట్వీట్ల వార్ జరుగుతుంది. వైఎస్ షర్మిలపై, ట్విట్టర్ వేదికగా కవిత చేసిన కామెంట్స్ ప్రస్తుతం హాట్‌టాపిక్‌గా మారాయి.

ఈ నేపథ్యంలో కవిత ట్వీట్‌పై షర్మిల కౌంటర్ ట్వీట్ చేయడంతో వివాదానికి దారి తీసింది. తాజాగా కవిత, షర్మిల ట్వీట్ వార్‌పై బీఎస్పీ స్టేట్ చీఫ్ ఆర్ఎస్ ప్రవీణ్ కుమార్ స్పందించారు. ఇరువురికి ట్విట్టర్ వేదికగా కౌంటర్ ఇచ్చారు. రాజకీయ నాయకులు ఏం మాట్లాడినా చెల్లుతదన్న భావన, బూతులతో బహిరంగ వేదికల మీద మాట్లాడే సంస్కృతి మన తెలంగాణకు ఎవరు తీసుకొచ్చినారో అందరికి తెలుసని విమర్శించారు. 'చెప్పుతో కొడతా..' అన్న పదాలు ఎవరు వాడినా అది ముమ్మాటికి సమర్థనీయం కాదంటూ ఎమ్మెల్సీ కవిత, వైఎస్ షర్మిలకు ఆర్ఎస్ ప్రవీణ్ కుమార్ సూచించారు. కాగా, షర్మిలను పోలీసులు అరెస్టు తీరుపై ప్రతిపక్షాలు తీవ్ర స్థాయిలో మండిపడుతున్నాయి. ఈ నేపథ్యంలో షర్మిలకు మద్దతుగా బీజేపీ నేతలు చేసిన ట్వీట్స్‌పై కవిత చేసిన కామెంట్స్ వివాదానికి దారి తీసింది.