GHMC Commissioner : జీహెచ్ఎంసీ కమిషనర్‌గా రొనాల్డ్ రోస్

దిశ, సిటీ బ్యూరో: జీహెచ్ఎంసీ కమిషనర్‌గా రోనాల్డ్ రోస్ బుధవారం ఉదయం ప్రధాన కార్యాలయంలో మాజీ కమిషనర్ లోకేశ్ కుమార్ నుంచి బాధ్యతలను స్వీకరించారు. అనంతరం ఆయన్ను పలువురు కార్పొరేటర్లు, ఉన్నతాధికారులు, ఇంజనీర్లు కలిసి శుభాకాంక్షలు తెలియజేశారు. ఈ సందర్భంగా నూతన కమిషనర్ రోనాల్డ్ మాట్లాడుతూ జీహెచ్ఎంసీ నగరవాసులకు అందిస్తున్న సేవల గురించి, విధుల గురించి తనకు మంచి అవగాహన ఉందన్నారు. అనంతరం మెట్రో రైల్ భవన్ లో జరగనున్న పురపాలక శాఖ వార్షిక నివేదిక విడుదల కార్యక్రమానికి హాజరయ్యేందుకు వెళ్లారు.